મીરા-ભાઇંદરની પોલીસે લીધું સિનિયર સિટિઝનોની સુરક્ષા માટે મહત્વનું પગલું

Published: 27th December, 2012 07:28 IST

મીરા-ભાઈંદરના સિનિયર સિટિઝનોને શહેરમાં સુરક્ષિતતા મળે એ માટે અહીંની પોલીસ દ્વારા એક મહત્વનું પગલું લેવામાં આવ્યું છે.

મીરા-ભાઈંદરમાં સનિયર સિટિઝનો અવારનવાર ચોરી, ચેઇન-સ્નૅચિંગ જેવા બનાવોનો ભોગ બને છે. આવા કોઈ પણ બનાવોથી તેમને બચાવવા પોલીસ દ્વારા તેમને સિનિયર સિટિઝન છે એવો પુરાવો આપતું સિનિયર સિટિઝન કાર્ડ આપવામાં આવશે. આ કાર્ડ દ્વારા મીરા-ભાઈંદરના સિનિયર સિટિઝનોની માહિતી પોલીસના રેકૉર્ડમાં રાખવામાં આવશે. સમયાંતરે સુરક્ષા-વ્યવસ્થાની સાવચેતી આપતું માર્ગદર્શન પણ તેમને પૂરું પાડવામાં આવશે. આ વિશે વધુ માહિતી આપતાં ભાઈંદર પોલીસે મિડ-ડે LOCALને કહ્યું હતું કે ‘આ કાર્ડ પોલીસ દ્વારા સિનિયર સિટિઝન હોવાનો પુરાવો રહેશે. કાર્ડ બનાવવા માટે સિનિયર સિટિઝને પોતાની માહિતી તેમ જ ત્રણ ફોટો પોલીસ-સ્ટેશનમાં આપવાના રહેશે. આ કાર્ડની મદદથી શહેરના સિનિયર સિટિઝનોને વધુ સુરક્ષા મળી રહેશે. દરેક સિનિયર સિટિઝને તેમના વિસ્તારના પોલીસ-સ્ટેશનમાં આ કાર્ડ માટે સંપર્ક કરવો.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK