ચર્ની રોડના મારવાડી વિદ્યાલયની બહાર મુંબઈ પોલીસે મૂકેલું કમ્પ્લેઇન્ટ-બૉક્સ તૂટેલું મળી આવ્યું

Published: 27th December, 2012 07:26 IST

મુંબઈના વિવિધ વિસ્તારોમાં મુંબઈપોલીસે લોકોની સમસ્યાઓ સૉલ્વ કરવા માટે બેસાડેલાં લગભગ ૧૦૦૦ કમ્પ્લેઇન્ટ-બૉક્સમાંથી ચર્ની રોડ (ઈસ્ટ)માં આવેલા મારવાડી વિદ્યાલયની બહાર લગાવવામાં આવેલું કમ્પ્લેઇન્ટ-બૉક્સ શુક્રવારે તૂટેલી હાલતમાં મળી આવ્યું હતું.

આ બૉક્સ દ્વારા લોકો પોતાની ફરિયાદો કમિશનર સુધી પહોંચાડે છે. મહિલાઓ સાથે છેડતી, નાનાં બાળકો પર થતા અત્યાચાર, આતંકવાદીઓ, ચોરી-દરોડાના ગુનેગારો, તડીપાર આરોપીઓ અને ડ્રગ્સનું સેવન કરતા લોકો વિરુ¢ની ફરિયાદ પોલીસ સુધી પહોંચાડી શકાય એ માટે શહેરના જુદા-જુદા વિસ્તારોમાં આ કમ્પ્લેઇન્ટ-બૉક્સ લગાવવામાં આવ્યાં છે; પણ એ ઘણાં નાજુક અને પ્લાસ્ટિકનાં છે એટલે તૂટી જાય છે. આ બૉક્સ કમિશનરે લગાવ્યાં તો છે, પણ એની રક્ષા કરવાની વ્યવસ્થા કરવાનું તેઓ તદ્દન ભૂલી ગયા છે. આવો જ એક બનાવ અગાઉ મલાડ વિસ્તારમાં બન્યો હતો, જ્યાં કમ્પ્લેઇન્ટ-બૉક્સનું તાળું તૂટેલું મળી આવ્યું હતું અને એમાં રાખેલા લેટર પણ ગાયબ હતા.

આ કમ્પ્લેઇન્ટ-બૉક્સ શહેરમાં સ્કૂલ, શૉપિંગ મૉલ, એટીએમ સેન્ટર, થિયેટર, કોર્ટ અને અન્ય પ્ાબ્લિક પ્લેસમાં બેસાડવામાં આવ્યાં છે. મુંબઈના પોલીસ-કમિશનર સત્યપાલ સિંહ દ્વારા શહેરમાં લોકોના પ્રૉબ્લેમ સૉલ્વ કરવા માટે આ બૉક્સ બેસાડવામાં આવ્યાં હતાં. સત્યપાલ સિંહનું માનવું હતું કે લોકો પોલીસથી ડરે છે એટલે પોલીસ-સ્ટેશનમાં આવીને ફરિયાદ કરતા નથી. એને કારણે નવી તરકીબ અજમાવી તેમણે લોકોના પ્રૉબ્લેમ સરળતાથી સૉલ્વ કરવા માટે આ કમ્પ્લેઇન્ટ-બૉક્સ બેસાડ્યાં હતાં. જોકે આ બૉક્સ તદ્દન ચીપ ક્વૉલિટીનાં બનાવવામાં આવ્યાં છે અને પ્લાસ્ટિકનાં હોવાથી જલદી તૂટી પણ જાય છે.

એટીએમ = ઑટોમેટેડ ટેલર મશીન

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK