યુવતીએ પીછો કરનારા ૪ જણને પકડાવી દીધા

Published: 22nd December, 2012 10:25 IST

મહિલાઓ પર થઈ રહેલા બળાત્કારના કિસ્સાઓમાં વધારો થઈ રહ્યો છે ત્યારે ઓશિવરામાં બુધવારે મધરાત બાદ ૨૪ વર્ષની એક યુવતીની ચાર યુવાનોએ છેડતી કરતાં તે એકદમ ગભરાઈ ગઈ હતી.


તેને લાગ્યું કે આ યુવાનો તેના પર રેપ કરશે એટલે તે ઓશિવરા પોલીસ-સ્ટેશનમાં દોડી ગઈ હતી અને ફરિયાદ કરી હતી. તેની ફરિયાદના આધારે પોલીસે ચારે યુવાનોને પકડી લીધા હતા અને તેમની વિરુદ્ધ છેડતીનો ગુનો નોંધ્યો હતો. એ પછી ર્કોટે‍ તેમને જામીન પર છોડ્યા હતા.

આ કિસ્સા વિશે વધુ માહિતી આપતાં ઓશિવરા પોલીસ-સ્ટેશનના સબ-ઇન્સ્પેક્ટર વિજયાનંદ પાટીલે કહ્યું હતું કે ‘૨૪ વર્ષની તે યુવતી મૉડલિંગનું નાનું-મોટું કામ કરે છે. બુધવારે મધરાત બાદ તે ઓશિવરા પોલીસ-સ્ટેશન પાસેથી તેની કારમાં પસાર થઈ રહી હતી ત્યારે પાછળ આવી રહેલી જીપમાં બેસેલા ચાર યુવાનોે તેને ઓવરટેક કરીને છેડતી કરી હતી એટલે તરત જ આગળ જઈ કારનો યુ ટર્ન લઈને તેણે ઓશિવરા પોલીસ-સ્ટેશનમાં આવી હતી અને અમને તેમની જીપનો નંબર આપીને ફરિયાદ નોંધાવી હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK