સ્મશાનમાં બુફે ને બુફેમાં કકળાટનાં વડાં!

Published: 14th November, 2012 04:57 IST

ભારતીય વિજ્ઞાન જાથાએ કાળી ચૌદશની ઉજવણી કંઈક આ રીતે કરી



કાળી ચૌદશની રાતને શાસ્ત્રોક્ત રીતે ભારે માનવામાં આવે છે અને કહેવામાં આવે છે કે એ રાત્રે આસુરી શક્તિ સ્મશાનમાંથી બહાર આવે છે, પણ આ માન્યતાને તોડવા માટે અને વિજ્ઞાનને પ્રોત્સાહન આપવાના હેતુથી ગઈ કાલે ભારતીય વિજ્ઞાન જાથાની રાજકોટ શાખાએ રાજકોટ શહેરના મવડી રોડ પર આવેલા સ્મશાનમાં રાત્રે બાર વાગ્યે બુફે પાર્ટી રાખી હતી અને એ પાર્ટી પછી ભૂત-પિશાચ ડાન્સનો પ્રોગ્રામ પણ રાખવામાં આવ્યો હતો. ભારતીય વિજ્ઞાન જાથાએ બુફેમાં જે નાસ્તો મૂક્યો હતો અને એ નાસ્તો પણ વડાંનો હતો. કાળી ચૌદશની રાત્રે ઘરમાંથી કકળાટ કાઢવા માટે વપરાતાં વડાં જાથાના કાર્યકર્તાઓ રસ્તા પરથી ભેગાં કયાર઼્ હતાં અને એ જ વડાં બધાએ સ્મશાનમાં ખાધાં હતાં. ભારતીય વિજ્ઞાન જાથાના રાજકોટ ચેપ્ટરના ચૅરમૅન જયંતભાઈ પંડ્યાએ કહ્યું હતું કે ‘સવાસોથી દોઢસો વર્ષથી કાળી ચૌદશને લગતી માન્યતાઓ ઘર કરી ગઈ છે. આ માન્યતા તોડવા માટે અમે સ્મશાનમાં પાર્ટી રાખી હતી.’

રાત્રે અગિયાર વાગ્યે શરૂ થયેલી આ પાર્ટી સવારના છ વાગ્યા સુધી ચાલી હતી.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK