મીરા-ભાઇંદરના કોઈ પણ જ્વેલરને ર્કોટે આરોપી જાહેર કર્યા વગર હથકડી પહેરાવી તો આંદોલન

Published: 13th September, 2012 06:34 IST

મહારાષ્ટ્ર સરાફા મહામંડળના અધ્યક્ષે પહેલા જ ભાષણમાં પોલીસના અત્યાચારો સામે ઉઠાવ્યો અવાજ



ભાઈંદરના તેરાપંથ હૉલમાં રવિવારે યોજાયેલી મીરા-ભાઈંદર જ્વેલર્સ અસોસિએશનની બેઠકમાં બિનહરીફપણે મહારાષ્ટ્ર રાજ્ય સરાફા મહામંડળના અધ્યક્ષપદે ચૂંટાઈ આવેલા ફતેહચંદ રાંકાએ પોતાના પહેલાં જ ભાષણમાં પોલીસના અત્યાચારો સામે પોતાનો વિરોધ વ્યક્ત કર્યો હતો. તેમણે કહ્યું હતું કે, ‘મીરા-ભાઈંદરના કોઈ પણ જ્વેલરને જ્યાં સુધી ર્કોટ આરોપી જાહેર ન કરે ત્યાં સુધી હાથકડી પહેરાવવામાં આવશે તો વેપારીઓ તેના વિરોધમાં રસ્તા પર ઊતરશે.’


રવિવારે યોજાયેલી આ બેઠકમાં મીરા-ભાઈંદરનાં બધાં અસોસિએશનોના વેપારીઓ ઉપસ્થિત રહ્યા હતા. આ બેઠકમાં મીરા-ભાઈંદરના વેપારીઓએ પોતાની સમસ્યા નવા ચૂંટાઈને આવેલા સરાફાના અધ્યક્ષને કરી હતી.
 આ બેઠકમાં કેટલાય અગત્યના મુદ્દાઓ વિશે ચર્ચા કરવામાં આવી હતી અને કેટલાય નિર્ણયો પણ લેવામાં આવ્યા હતા. જેમ કે વેપારીઓએ હવે સીસીટીવી કૅમેરાનાં ૧૨ મહિનાનાં ફુટેજ ફરજિયાત રાખવાં પડશે તેમ જ ગ્રાહકો પાસેથી ડેબિટ કે ક્રેડિટ કાર્ડનો ઉપયોગ કરીને પૈસા લેતાં પહેલાં ઓળખ આપતો પુરાવો લેવો જરૂરી છે તેમ જ કોઈ પણ વ્યક્તિ જો માલ ન ખરીદે તો તેને ડેબિટ કે ક્રેડિટ કાર્ડ સ્વાઇપ કરીને કૅશ આપવી નહીં. પોલીસ વેપારીઓને ખૂબ જ હેરાન કરે છે એ બાબત પણ બેઠક દરમ્યાન આગળ આવી હતી. એ સિવાય જો જ્વેલરને ત્યાં ચોરીનો કોઈ માલ વેચાયો તો એની તપાસ પોલીસે કરવી, પણ કોઈ જ્વેલરને ર્કોટ આરોપી જાહેર ન કરે ત્યાં સુધી હાથમાં હથકડી નાખશે તો વેપારીઓ એનો તીવ્ર વિરોધ કરશે અને આંદોલન કરવા રસ્તા પર પણ ઊતરશે. દુકાનમાં આવતી દરેક વ્યક્તિ પર નજર રાખવી ખૂબ જ જરૂરી છે.
સીસીટીવી = ક્લોઝ્ડ સર્કિટ ટેલિવિઝન

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK