હૈદરાબાદમાં બૉમ્બવિસ્ફોટમાં નિર્દોષ સાબિત થયેલા ૭૦ મુસ્લિમોને ૭૦ લાખનું વળતર

હૈદરાબાદમાં મક્કા મસ્જિદમાં થયેલા બૉમ્બવિસ્ફોટ પછી કેટલાક મુસ્લિમ યુવાનોને પકડવામાં આવ્યા હતા. ચાર વર્ષની કાનૂની લડાઈ પછી ખબર પડી કે આમાં ૭૦ જેટલા મુસ્લિમ યુવકોને ખોટી રીતે સંડોવવામાં આવ્યા હતા.

આ સંજોગોમાં નૅશનલ કમિશનર ઑફ માઇનૉરિટીઝના નિર્દેશ પ્રમાણે આંધ્ર પ્રદેશ સરકારે આ ૭૦ યુવાનોને ૭૦ લાખ રૂપિયા જેટલું વળતર ચૂકવ્યું છે. જોકે એ વાત અલગ છે કે તેમને આ વળતર ચાર વર્ષ સુધી ખોટો આરોપ સહન કર્યા પછી મળ્યું છે. સત્તાવાર મળેલી માહિતી પ્રમાણે આ ૭૦ યુવાનોમાંથી ૨૦ યુવાનોને ત્રણ લાખ રૂપિયા અને બાકીના પ્રત્યેકને ૨૦,૦૦૦ રૂપિયા આપવામાં આવ્યા છે.