યુવતીએ બૉયફ્રેન્ડ પાસે જ પોતાના ઘરમાં ચોરી કરાવી
બનાવના દિવસે મોહનલાલનાં પત્ની લતા ઘરે પ્હોંચ્યાં ત્યારે ઘર ખુલ્લું હોવાથી તેમને શંકા ગઈ હતી. દરમ્યાન તેમની દીકરી કીર્તિએ ઘરે પ્ાહોંચીને એમ જણાવ્યું કે તેના કીમતી દાગીના પણ ગાયબ છે તેથી પોલીસ-સ્ટેશનમાં ફરિયાદ નોંધાવવામાં આવી હતી.
આ મામલે પોલીસે વધુ તપાસ કરતાં બાતમી મળી કે કીર્તિના બે મિત્રો ઘરે આવ્યા હોવાની માહિતી કીર્તિએ પોલીસતપાસ દરમ્યાન છુપાવી હતી. પોલીસે કીર્તિના મિત્રો ૨૭ વર્ષના આસિફ અકબર ખાન તથા ૨૭ વર્ષના સચિન શિંદેની ઊલટતપાસ કરતાં તેમણે ગુન્ાામાં ભાગીદાર હોવાની કબૂલાત કરી હતી. જોકે આસિફ સાથે ભાગીને લગ્ન કરવા માગતી કીર્તિએ રૂપિયા મેળવવા જ સમગ્ર પ્લાન ઘડ્યો હોવાની વાત કરી હતી. પોલીસ ત્રણે આરોપીઓને આજે ર્કોટમાં રજૂ કરશે. જોકે પ્રેમી સાથે ઘરેથી ભાગી જવા માટે પોતાના ઘરમાં જ ચોરી કરાવવાનો પ્લાન કીર્તિને એક સિરિયલ જોઈને આવ્યો હતો. કીર્તિએ પોતાના ઘરની બારી પાસે ચાવી મૂકી હતી, જે આસિફે લઈને ચોરીની ઘટનાને અંજામ આપ્યો હતો.
આસિફ અને કીર્તિની મુલાકાત એક કેટરિંગ ઇવેન્ટ દરમ્યાન થઈ હતી. જોકે કીર્તિના ભાઈ આશુતોષે જણાવ્યું કે તેની બહેનને આસિફ તથા તેના મિત્રે પોતાના ઘરમાં ચોરી કરવા માટે ઉશ્કેરી હતી.
