બૅન્ગકૉકના પૂરે મુંબઈગરાના દિવાળીના હૉલિડેના પ્લાન પર પણ પાણી ફેરવી દીધું

Published: 31st October, 2011 01:58 IST

થાઇલૅન્ડની રાજધાની બૅન્ગકૉકમાં આવેલા ભયાનક પૂરે કંઈકેટલાય લોકોના દિવાળીની રજાઓમાં પરદેશમાં ફરવા જવાના પ્લાન પર પાણી ફેરવી દીધું છે. માત્ર લોકો જ નહીં, પરંતુ સૌથી વધુ સહન કરવાનો વારો તો પ્રવાસીઓ પાસેથી ઍડ્વાન્સમાં રૂપિયા લઈ લેનાર બૅન્ગકૉકના ટૂર-આયોજકોને આવ્યો છે વળી પૂરને લીધે બૅન્ગકૉકના પોતાના ટૂર-આયોજકો સાથેનો સંપર્ક પણ તૂટી જતાં તેમની હાલત કફોડી થઈ છે.

 

 

હજી તો બૅન્ગકૉકનો પ્રવાસ રદ કરનારા લોકોની સંખ્યા ઓછી છે, પણ આ સંખ્યા વધતાં તેમની હાલત કફોડી થવાની છે. જે લોકોએ સિંગાપોર-બૅન્ગકૉકની ટૂર પર જવાનો નિર્ણય લીધો છે તેમણે પણ બૅન્ગકૉકને પોતાની યાદીમાંથી અત્યાર પૂરતું દૂર રાખ્યું છે. થાઇલૅન્ડ સરકારે ૫૦ વર્ષમાં પ્રથમ વાર આવેલા વિનાશક પૂરને કારણે ૩૧ ઑક્ટોબર સુધી બૅન્ગકૉક તથા આસપાસના વિસ્તારોમાં રજા જાહેર કરી છે. વળી ઘણાં ઍરર્પોટની હવાઈ પટ્ટી પર પણ પૂરનાં પાણી ફરી વળતાં ટ્રાવેલ-પ્લાન કૅન્સલ કરવા પડ્યા છે. ડૉન મુવાંગ ડોમેસ્ટિક ઍરર્પોટને બંધ કરી દેવામાં આવ્યું છે તેમ જ સ્ટેટ રેલવે ઑફ થાઇલૅન્ડે પણ બૅન્ગકૉકની સર્વિસ રદ કરી છે. જોકે થાઇલૅન્ડની સરકારે એવી ખાતરી આપી છે કે ટૂરિઝમ માટેનો વિસ્તાર એકદમ સુરક્ષિત છે.

 

 

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK