કિરણ બેદીની મુસીબતો ઑર વધી

  નવી દિલ્હી: ટીમ અણ્ણાનાં નિકટનાં સહયોગી કિરણ બેદીની મુશ્કેલી વધી હતી. તેમના એનજીઓ (નૉન ગવર્નમેન્ટલ ઑર્ગેનાઇઝેશન) ઇન્ડિયા વિઝન ફાઉન્ડેશનના સંસ્થાપક સભ્ય અને કિરણ બેદીનું ટ્રાવેલિંગનું મૅનેજમેન્ટ કરતા ફ્લાયવેલ ટ્રાવેલના માલિક અનિલ બાલે ટ્રસ્ટમાંથી રાજીનામું આપી દીધું છે. અનિલ બાલે એક નિવેદનમાં કહ્યું હતું કે કિરણ બેદીએ બચાવમાં ટ્રાવેલિંગના વધારાના લીધેલા નાણાં પાછાં આપવાની જાહેરાત જે રીતે કરી એનાથી મારી છબિ ખરડાઈ છે. ટીમ અણ્ણાએ તેમના પર વધતા હુમલાઓ અને પ્રહારોની સામે રણનીતિ ઘડી કાઢવા શનિવારે કોર કમિટીની મીટિંગ બોલાવી છે. જોકે અણ્ણાનું મૌનવ્રત ચાલુ હોવાથી તેઓ આમાં સામેલ નહીં થાય એવી સંભાવના છે.