ફેરિયાઓને હટાવીને ટિકિટ-વિન્ડો માટે મીરા રોડમાં સિગ્નેચર કૅમ્પેન
પરંતુ વિરાર સાઇડની ટિકિટ-વિન્ડો થોડી મોટી હોવા છતાં વૃદ્ધો અને વિકલાંગો તેમ જ નાનાં બાળકો લઈને પ્રવાસ કરવા નીકળેલી મહિલાઓને બ્રિજ ચડીને ઉપર જઈ ટિકિટ ખરીદવી પડતી હોવાથી તેમને ભારે ત્રાસ થાય છે. એમાં વળી આ સાઇડના બ્રિજ પર બધી વખતે પ્રવાસીઓની ભારે ભીડ જોવા મળે છે.
આવી ભીડમાં વિકલાંગો અને વૃદ્વો કેવી રીતે ઉપર ચડી શકે? લોકોની આ બધી સમસ્યાને ધ્યાનમાં રાખીને હાલમાં જ મીરા-ભાઈંદર યુથ કમિટીના અધ્યક્ષપદે ચંૂટાઈ આવેલા રાજીવ રાજપુરોહિતે અને તેમની આખી ટીમે મંગળવારે સવારે ૮ વાગ્યાથી એક સિગ્નેચર કૅમ્પ રાખ્યો હતો. તેમણે માગણી કરી હતી કે મીરા રોડના પ્લૅટફૉર્મ નંબર-૪ (વિરાર સાઇડ) પાસે એક ટિકિટ-વિન્ડો બનાવવી જેથી જે પ્રવાસીઓ ઉપર ચડી ટિકિટ ખરીદી ન શકતા હોય તો તેમને રાહત મળી રહે. સ્ટેશનની બહાર બેસતા ફેરિયાવાળાઓને હટાવીને ત્યાં ટિકિટ-વિન્ડો બનાવવાની માગણી રેલવેપ્રવાસી વતી મીરા-ભાઈંદર યુથ કમિટી દ્વારા કરવામાં આવી હતી.
મંગળવારે સવારથી રાત સુધી ચાલેલા આ સિગ્નેચર કૅમ્પમાં લગભગ ૮૦૦૦ની આસપાસ લોકોએ સાઇન કરી પોતાની સહમતી દાખવી હતી. આ દસ્તાવેજોને હવે રેલવે પ્રશાસન સામે મૂકવામાં આવશે અને આ સુવિધા પૂરી થાય એના માટે પ્રયત્નો કરવામાં આવશે. યુથના અધ્યક્ષ રાજીવ રાજપુરોહિત આ સમસ્યાનો ઉકેલ લાવ્યા બાદ ભાઈંદરમાં ચાલતી ભાઈંદર લોકલની જેમ મીરા રોડમાં પણ મીરા રોડ લોકલ શરૂ કરાવવાની માગણી કરવાના છે.
