થાણેમાં બે નવજાત શિશુ ત્યજી દેવાયા

Published: 18th December, 2012 03:06 IST

એક દિવસમાં બે જગ્યાએ બબ્બે નવજાત શિશુને ત્યજી દેવાની કાળજું  કંપાવી દેનારી ઘટના : એકનું મોત, બીજું ગંભીર હાલતમાં



થાણેમાં ગઈ કાલે બે અલગ ઘટનાઓમાં બે બાળકો ત્યજી દેવાયેલાં મળી આવ્યાં છે જેમાંથી એક બાળકનું મૃત્યુ થયું છે, જ્યારે અન્ય બાળકને થાણેની સિવિલ હૉસ્પિટલમાં સારવાર આપવામાં આવી રહી છે.

પહેલી ઘટનામાં ગઈ કાલે સવારે ૬ વાગ્યે થાણે સ્ટેશનની બહાર વેસ્ટ સાઇડમાં એક ૩ દિવસનો છોકરો ત્યજી દેવાયેલી હાલતમાં મળી આવ્યો હતો. નગર પોલીસને આ બાબતે જાણ થતાં તરત જ તેનો કબજો લેવામાં આવ્યો હતો અને તેને થાણેની સિવિલ  હૉસ્પિટલમાં સારવાર આપવામાં આવી રહી છે.

બીજી ઘટનામાં થાણે (વેસ્ટ)માં વાગળે એસ્ટેટના એક નાળામાંથી એક દિવસની બાળકી મળી આવી હતી. નજીકમાં રહેતા કોઈ રહેવાસીએ આ બાબતે પોલીસને જાણ કરતાં પોલીસે ઘટનાસ્થળે ધસી જઈ તેને બહાર કાઢી હતી, પણ એ બાળકી મૃત્યુ પામી હતી. પોલીસે બન્ને ઘટનામાં ત્યજી દેવાયેલાં બાળકોની માતાને શોધી કાઢવા તપાસ ચાલુ કરી છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK