૧૬ વર્ષની છોકરીએ પ્રેમી સાથે લગ્ન કરવા માતાનું મર્ડર કર્યું

Published: 23rd November, 2012 05:28 IST

હરિયાણામાં એક ૧૬ વર્ષની છોકરીએ પોતાના પ્રેમી સાથે લગ્ન કરવા માટે સગી વિધવા માતાની હત્યા કરી હોવાની ઘટનાએ સનસનાટી મચાવી છે. ગત બુધવારે સોનીપત જિલ્લાના ગોહાના ટાઉન પાસ એક કનૅલમાં આધેડ વયની એક મહિલાનો મૃતદેહ મળી આવ્યો હતો. બાદમાં પોલીસ તપાસમાં એવું બહાર આવ્યું હતું કે આ મહિલાની હત્યા ૨૫ ઑક્ટોબરે તેની જ દીકરીએ કરી હતી.



૧૬ વર્ષની સ્કૂલ ડ્રૉપઆઉટ કિશોરી પોતાના પ્રેમી સાથે મૅરેજ કરવા માગતી હતી પણ તેની મમ્મી આ લગ્નની વિરુદ્ધ હતી તેથી રસ્તા પરનો કાંટો કાઢવાના આશયથી તેણે ૨૩ વર્ષના પ્રેમી સાથે મળીને માતાની હત્યા કરી હતી. હત્યાના ૧૦ જ દિવસ પછી બન્નેએ લગ્ન કરી લીધાં હતાં. પોલીસના જણાવ્યા પ્રમાણે બન્ને જણે ગળું દબાવીને મહિલાની હત્યા કરી હતી.

મહિલાના ભાઈએ થોડા દિવસો પછી પોતાની બહેન ગુમ થઈ હોવાની પોલીસ ફરિયાદ નોંધાવી હતી. એ પછી પોલીસે મહિલાની દીકરી અને તેના પતિની પૂછપરછ કરતાં બન્નેના જવાબોમાં વિરોધભાસ જણાઈ આવતાં પોલીસને શંકા ગઈ હતી. એ પછી પોલીસે કડક પૂછપરછ કરતાં બન્નેએ સાચી હકીકત જણાવી દીધી હતી. ગોહાનાના પોલીસ-અધિકારી રાજીવકુમારે કહ્યું હતું કે માતાની હત્યા કર્યા બાદ દીકરીએ તેનો મૃતદેહ નજીકની કનૅલમાં નાખી દીધો હતો અને તે જલદી નાશ પામે એ માટે તેના પર ઘણું બધું નમક છાંટ્યું હતું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK