Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ચિત્ર-વિચિત્ર > આર્ટિકલ્સ > 105 વર્ષના દાદીએ ચોથા ધોરણની પરીક્ષા આપીને મેળવ્યા 74.5 ટકા ગુણ...

105 વર્ષના દાદીએ ચોથા ધોરણની પરીક્ષા આપીને મેળવ્યા 74.5 ટકા ગુણ...

11 February, 2020 07:11 PM IST | Mumbai Desk

105 વર્ષના દાદીએ ચોથા ધોરણની પરીક્ષા આપીને મેળવ્યા 74.5 ટકા ગુણ...

105 વર્ષના દાદીએ ચોથા ધોરણની પરીક્ષા આપીને મેળવ્યા 74.5 ટકા ગુણ...


કહેવાય છે કે ભણવાની કોઇ ઉંમર નથી હોતી. આ વાતને સાચી સાબિત કરી બતાવી છે કેરળ સાથે સંબંધ ધરાવતાં 105 વર્ષના વૃદ્ધ દાદીએ. આ ઉંમરમાં તેમણે ચોથા ધોરણની પરીક્ષા આપી છે અને પરીક્ષામાં 74 ટકાથી વધારે ગુણ પણ મેળવ્યા છે. આ મહિલાનું નામ ભગીરથી અમ્મા.

ભગીરથી અમ્મા, ગયા વર્ષે નવેમ્બરમાં રાજ્ય સાક્ષરતા અભિયાન દ્વારા કોલ્લમમાં આયોજિત પરીક્ષામાં તે સામેલ થઈ હતી. તાજેતરમાં આ પરીક્ષાનું રિઝલ્ટ જાહેર થયું છે, જેમાં અમ્માએ કુલ 275 ગુણાંકોમાંથી 205 અંક મેળવ્યા. આ સાક્ષરતા અભિયાન દ્વારા જાહેર નિવેદનમાં કહેવામાં આવ્યું છે કે કુલ 11593 વિદ્યાર્થીઓએ ચોથા ધોરણની પરીક્ષામાં ભાગ લીધો, જેમાંથી 10012 સફળ રહ્યા. તેમાં 9456 મહિલાઓ છે. જણાવીએ કે અમ્માના છ બાળકો છે. તેમના કુલ 16 દોહિત્રા અને પૌત્ર-પૌત્રીઓ છે.



આ પણ વાંચો : પુજા બેદીની દીકરી અલાયા એફની કેન્ડીડ તસવીરો


આ વિશે રાજ્ય સાક્ષરતા મિશનના જિલ્લા સમન્વયક સીકે પ્રદીપ કુમારે એએનઆઇ સાથે વાત કરતાં કહ્યું કે અમ્માએ પોતાની પરીક્ષા 74.5 ટકા અંકો સાથે પાસ કરી છે. આ દરેક માટે પ્રેરણા આપનારી વાત છે કે તેમણે આ ઉંમરમાં પણ આ હિંમત બતાવી અને ભણવાની શરૂઆત કરી. અમ્માના આ પગલાંથી વધુ લોકો આગળ આવશે. જણાવીએ કે આમ તો અમ્મા બાળપણથી જ ભણવા માગતી હતી. પણ તેમની આ ઇચ્છા અધુરી રહી ગઈ હતી. પારિવારિક પરિસ્થિતિઓને કારણે તેમને 9 વર્ષની ઉંમરમાં અધવચ્ચે જ ભણવાનું છોડવું પડ્યું. તે સમયે તે ત્રીજા ધોરણમાં હતા. તેના પછી તેઓ લગ્ન અને બાળકોની જવાબદારીઓમાં ફંસાઇ ગઈ હતી. પણ ઉંમરના આ મોડ પર તેમણે ફરીથી પોતાનું ભણવાનું પૂરું કરવાનું નક્કી કર્યું. આનું પરિણામ એ છે કે આજે તે ભણી રહ્યા છે.


Whatsapp-channel Whatsapp-channel

11 February, 2020 07:11 PM IST | Mumbai Desk

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK