એક અમેરિકન મહિલાને મોબાઇલનું બિલ આવ્યું એક કરોડ રૂપિયા
હકીકતમાં બન્યું એવું હતું કે સેલિના આરોન્સ નામની આ મહિલાને બે ભાઈ છે. એક ભાઈ સાંભળવામાં અક્ષમ છે અને બીજો બોલવામાં અસમર્થ છે. આથી તેઓ વાતચીત માટે ટેક્સ્ટ-મેસેજનો ઉપયોગ કરે છે. તો પણ વાંધો નહીં, કારણ કે સેલિનાએ ૧૭૫ ડૉલર (અંદાજે ૮૫૦૦ રૂપિયા)નો ડેટા પ્લાન લીધેલો છે. જોકે ગયા મહિને સેલિનાનો એક ભાઈ કૅનેડા ગયો હતો. આ સમયે સેલિના ઇન્ટરનૅશનલ મેસેજિંગ માટેનો પ્લાન લેતાં ભૂલી ગઈ હતી અને બન્ને ભાઈઓએ ટેક્સ્ટ-મેસેજ દ્વારા જ વાતચીત ચાલુ રાખી હતી. સેલિનાએ કહ્યું હતું કે હું કોઈ પણ રીતે આ બિલ ભરી શકું એમ નથી. તેની આ દલીલ સાંભળીને તથા તેની આર્થિક સ્થિતિને ધ્યાનમાં લઈને તેની બિલની રકમ સાવ ઓછી કરી દઈ તેને બિલ ચૂકવવા માટે હપ્તાની સુવિધા કરી આપવામાં આવી છે.
