દુનિયાની સૌથી મોંઘી વૉટર બૉટલ
આ બૉટલ ફક્ત તરસ બુઝાવવાનું સાધન નથી, પરંતુ એક ડિઝાઇનરની પાણી પ્રત્યેની લક્ઝુરિયસ કલ્પના છે. ઓરમ ૭૯ને તાજેતરમાં એક પ્રદર્શન દરમ્યાન લોકો સમક્ષ લૉન્ચ કરવામાં આવી હતી. આ બૉટલ સૌથી સારી ગુણવત્તાના ક્રિસ્ટલમાંથી કોતરીને બનાવવામાં આવી છે. જેને સાચું સોનું અને ૧૧૩ પીસ હીરાથી જડવામાં આવી છે. આ બૉટલમાં ૦.૫ લિટર જર્મનીનું પ્યૉર ઝરણાનું પાણી ભરવામાં આવ્યું છે જેને બૉટલની અંદર રહેલા સાચા સોનાના ટુકડાઓથી રિફાઇન્ડ કરવામાં આવ્યું છે. પાણી પીવામાં પણ જેને લક્ઝરી જોઈતી હોય તેમને માટે આ બૉટલ કલેક્ટરર્સ આઇટમ બની શકે છે.
