તેલ વિનાનાં વડાં
ADVERTISEMENT
સામગ્રી
- ૫ નંગ પીળી (દેશી) મકાઈનાં ડોડાં
- મકાઈનો લોટ બે ચમચી
- વાટકો સાકરવાળું દહીં
- મીઠું, મરચું
- જીરુ પાઉડર
- આદુ-મરચાંની પેસ્ટ એક ચમચી
- નૉન-સ્ટિક પૅન
રીત
મકાઈને ધોઈને હાથથી જ દાણા કાઢો, જેથી એનો ગર સાથે રહે. મકાઈને ક્રશ કરી એમાં આદુ-મરચાં ઉમેરો. મીઠું પ્રમાણમાં ઓછું નાખવું. મકાઈના મિશ્રણના નાના ગોળા વાળો. મકાઈના લોટમાં એ રગદોળી નૉન-સ્ટિક પૅન પર બેક કરો. તેલની જરાય જરૂર નથી, છતાં એમ લાગે કે તેલ લગાવવું છે તો એક ચમચી જ લો. સાત મિનિટ ધીમા તાપે એ તૈયાર થઈ જશે. એને ડિશમાં મૂકી ઉપર દહીંને વલોવીને નાખો, મરચું પાઉડર, જીરું પાઉડર, કોથમીર છાંટો. લસણની લાલ ચટણી તથા ગોળ આમલીની ચટણી પણ નાખી શકાય.