સ્કર્ટ-બ્લાઉઝ ઇન ટ્રેન્ડ

Published: 28th September, 2012 06:14 IST

તાજેતરમાં એક મૅગેઝિનની પાર્ટીમાં જૅકલિન ફર્નાન્ડિસ સબ્યસાચી મુખરજીએ ડિઝાઇન કરેલા એક જુદા જ પ્રકારના ડ્રેસમાં જોવા મળી હતી.



સ્ટાર & સ્ટાઇલ

તાજેતરમાં એક મૅગેઝિનની પાર્ટીમાં જૅકલિન ફર્નાન્ડિસ સબ્યસાચી મુખરજીએ ડિઝાઇન કરેલા એક જુદા જ પ્રકારના ડ્રેસમાં જોવા મળી હતી. આ ડ્રેસ વેલ્વેટમાંથી બનાવવામાં આવ્યો છે અને એની પૅટર્ન પહેલાંના જમાનામાં જોવા મળતા ટિપિકલ ટૂંકા બ્લાઉઝ અને સ્કર્ટ જેવી છે. આ સ્કર્ટ હાઇ વેસ્ટ છે જેને લીધે પેટ દેખાય તો છે, પણ ઓછા પ્રમાણમાં.

આ સ્ટાઇલનો ડ્રેસ પહેલી વાર ફ્રેડા પિન્ટોએ કાન ફિલ્મ ફેસ્ટિવલ દરમ્યાન પહેર્યો હતો, જેમાં તેણે હોલ્ટરનેક બ્લાઉઝ અને સ્કર્ટ પહેર્યું હતું. ત્યાર બાદ શહનાઝ ટ્રેઝરીવાલાએ આ જ સ્ટાઇલ રિપીટ કરી હતી, પરંતુ તેનો ડ્રેસ થોડો વધુપડતો રિવિલિંગ હતો અને હવે જૅકલિને આ સ્ટાઇલ અપનાવી છે. આ ડ્રેસમાં સ્કર્ટની લંબાઈ ગોઠણથી નીચે હોય છે અને એની ખાસિયત એ છે કે આમ તો સ્કર્ટ અને બ્લાઉઝ બન્નેની ડિઝાઇન કનેક્ટિંગ એક ગાઉન જેવી જ લાગે છે, પરંતુ એને ફક્ત પેટના ભાગ પાસેથી જાણે કાપીને છૂટી પાડી દેવામાં આવી હોય એવી છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK