ફોરસ્કિન પર ચીરા, ઘર્ષણ અને લાલાશ કોઈ ગંભીર સમસ્યા તો નહીં હોયને?

ડૉ.રવિ કોઠારી | Mar 13, 2019, 12:12 IST

દુખાવો અને બળતરા પણ સારીએવી થાય છે. હમણાંથી સમાગમ પછી ખૂબ થાકી જાઉં છું. બ્લડ-પ્રેશર છે પણ એની દવા ચાલે છે અને બધું નૉર્મલ છે.

ફોરસ્કિન પર ચીરા, ઘર્ષણ અને લાલાશ કોઈ ગંભીર સમસ્યા તો નહીં હોયને?
પ્રતીકાત્મક તસવીર

સેક્સ-સંવાદ

સવાલ : મારી ઉંમર ૩૯ વર્ષ છે. પહેલાંની સરખામણીએ જાતીય પ્રવૃત્તિની ફ્રીક્વન્સી ઘટી ગઈ છે. એમાંય વચ્ચે માંદગી અને પારિવારિક કાર્યક્રમોને કારણે લગભગ ચારેક મહિના માટે ગૅપ પડી ગયો. એ પછીથી ફરી ગાડી પાટે ચડી જ નથી. પહેલાં અઠવાડિયામાં એક કે બે વાર સમાગમ થતો હતો, પણ હમણાંથી ફ્રીક્વન્સી ઘટી ગઈ છે. દસ-બાર દિવસે એકાદ વાર થાય છે. સમસ્યા એ છે કે હમણાંથી મને સમાગમ પછી ફોરસ્કિન પર ચીરા પડી જાય છે. આવું એકાદ વાર નથી થયું, છેલ્લા ઘણા વખતથી થાય છે. છ-સાત દિવસમાં એ રુઝાઈ જાય છે. જોકે ત્યાં સુધી એ ભાગમાં લાલાશ ખૂબ વધી ગઈ હોય. દુખાવો અને બળતરા પણ સારીએવી થાય છે. હમણાંથી સમાગમ પછી ખૂબ થાકી જાઉં છું. બ્લડ-પ્રેશર છે પણ એની દવા ચાલે છે અને બધું નૉર્મલ છે. ફોરસ્કિન પર ચીરા, ઘર્ષણ અને લાલાશને કારણે ટેન્શન થાય છે કે આ કોઈ ગંભીર સમસ્યા તો નહીં હોયને?

જવાબ : ફોરસ્કિનમાં ચીરા, ઘર્ષણને કારણે લાલાશ અને બળતરા જેવાં લક્ષણો થવાનાં ગણીને ત્રણ-ચાર કારણો છે. એક તો બે સમાગમ વચ્ચે બહુ લાંબો ગૅપ હોય ત્યારે આવું સંભવ છે. એટલે પહેલાં તમે સમાગમની ફ્રીક્વન્સીમાં સાતત્ય જાળવો એ જરૂરી છે. વચ્ચે લાંબો સમય ગૅપ ન જવા દેવો અને ધારો કે ગૅપ ગયો હોય તો પછી ઉપરાઉપરી ફ્રીક્વન્ટ સમાગમ ન કરવો. બીજું, સામાન્ય કારણ ફોરપ્લેનો અભાવ હોઈ શકે. ત્રીજું કારણ અપૂરતું લુબ્રિકેશન હોય છે. ભલે તમને લાગે કે તમે પૂરતો સમય ફોરપ્લે કર્યો છે, પણ એવું બની શકે કે પાર્ટનર એટલી ઉત્તેજિત ન થઈ હોય અને લુબ્રિકેશન જોઈએ એટલું ન હોય એટલે હવેથી પેનિટ્રેશન કરતાં પહેલાં આંગળી વડે ચેક કરો કે પૂરતી ચીકાશ છે કે નહીં? ચોથું કારણ છે બ્લડશુગરમાં અચાનક વધારો.

આ પણ વાંચો : મને હસ્તમૈથુન વખતે દુખાવો થાય છે. કોઈ ઉપાય બતાવો?

તમને થાક લાગે છે તો શું સાથે વજનમાં વધારો થયો છે? આ ઉંમરે તમારે બ્લડ-શુગરનું ચેકઅપ કરાવવું જરૂરી છે. તમે ફાસ્ટિંગ, પોસ્ટ-લંચ અને HbA1c બ્લડ-ટેસ્ટ કરાવી લો. ડાયાબિટીઝની શરૂઆતનાં લક્ષણોમાં પણ આવું થઈ શકે છે. જો બ્લડ-શુગર વધેલું હોય કે ઈવન બૉર્ડરલાઇન પર હોય તો પણ તમારે ડાયટ અને નિયમિત ફિઝિકલ ઍક્ટિવિટી કે કસરત કરીને ઓવરઑલ સ્વાસ્થ્યની કાળજી રાખવી જરૂરી છે.

 
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK