મેનોપૉઝ લાગે છે, પણ ડૉક્ટર માસિક ડિલે કરવાની દવા લેવાનું કહે છે,શું કરવું?

Updated: Jul 22, 2020, 21:48 IST | Dr.Ravi Kothari | Mumbai

તમારી ઉંમર મુજબ તમે કદાચ વહેલો મેનોપૉઝ આવી ગયો હશે એવું ધારો છો. જે કદાચ સંભવ પણ છે. જોકે મેનોપૉઝ નજીક છે કે કેમ એ તપાસવા માટે કેટલાંક હૉર્મોન્સની ટેસ્ટ કરવામાં આવે છે.

પ્રતીકાત્મક તસવીર
પ્રતીકાત્મક તસવીર

સવાલ- મારી ઉંમર ૪૩ વર્ષ છે. મને હમણાં-હમણાંથી માસિકના સમયમાં ડિલે થઈ જાય છે. જોકે મોટા ભાગે મહિના પર સાતથી દસ દિવસ સુધીમાં પિરિયડ ચાલુ થઈ જતા હોય છે. આ વખતે લગભગ વીસેક દિવસ ઉપર ચડી ગયા હોવાથી ત્રણ વાર હોમ-પ્રેગ્નન્સી ટેસ્ટ કરી. ત્રણેય વાર રિપોર્ટ નેગેટિવ જ આવ્યો એટલે મારી સોનોગ્રાફી કરાવી. સોનોગ્રાફીમાં ગર્ભાશયની દીવાલ જાડી થઈ ગઈ છે એવી ખબર પડી. આ પત્ર સાથે એ રિપોર્ટ પણ બીડ્યો છે. ડૉક્ટરનું કહેવું છે કે તમે માસિક ડિલે કરવાની ગોળીઓ લેશો તો થોડાક દિવસમાં માસિક આવી જશે. જો એ પછી પણ માસિક ન આવે તો ગર્ભાશયની ત્વચા કાઢીને એની ટેસ્ટ કરવી પડશે. મને તો મેનોપૉઝની સંભાવના લાગે છે, પણ ડૉક્ટર માસિક ડિલે કરવાની દવા લેવાનું કહે છે એ સમજાતું નથી.
જવાબ- તમારી શંકા વાજબી છે. તમારી ઉંમર મુજબ તમે કદાચ વહેલો મેનોપૉઝ આવી ગયો હશે એવું ધારો છો. જે કદાચ સંભવ પણ છે. જોકે મેનોપૉઝ નજીક છે કે કેમ એ તપાસવા માટે કેટલાંક હૉર્મોન્સની ટેસ્ટ કરવામાં આવે છે. બીજું, અત્યારે તમારી જે સમસ્યા છે એ માસિકચક્રમાં ગરબડ થયું હોવાનું સૂચવે છે એ કદાચ મેનોપૉઝ હોવાની શરૂઆત પણ હોઈ શકે છે અથવા તો કદાચ ટેમ્પરરી હૉર્મોનલ ડિસ્ટર્બન્સ પણ હોઈ શકે છે.
ડૉક્ટરે તમને માસિક ડિલે કરવાની દવા લેવાનું કહ્યું છે એ પણ એક પ્રકારે તમારા શરીરની હૉર્મોનલ સાઇકલને કન્ટ્રોલ કરવા માટે જ છે. આ દવાઓ કેટલીક મહિલાઓ માસિક વહેલું કરવા અથવા તો ડિલે કરવા માટે વાપરે છે. આ દવાઓ તમે લો ત્યાં સુધી માસિક આવતું નથી, પરંતુ જેવું એ દવાઓ બંધ કરો એટલે ત્રણ-ચાર દિવસમાં જ માસિક આપમેળે આવી જાય છે. એક વાર માસિક આવી જાય એ પછી ફરી એક વાર સોનોગ્રાફી કરાવી લો જેથી ગર્ભાશયની ત્વચાની જાડાઈ કેટલી છે એ ખબર પડે. જો માસિક પછી પણ ત્વચાની જાડાઈ વધુ હોય તો અને તો જ તમારે એ ત્વચા કઢાવીને આગળની ટેસ્ટ કરાવવાની રહેશે.બાકી અત્યારે તમને ડૉક્ટરે જે દવાઓ લખી આપી છે એ એક વીક માટે લઈ લો અને એ દવા બંધ કરતાં જ તમને માસિક આવશે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK