Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > કૉલમ > મારી પત્નીને ગમે એ રીતે સ્પર્શ કરું તો પણ અધવચ્ચેથી હાથ ખસેડી લે છે

મારી પત્નીને ગમે એ રીતે સ્પર્શ કરું તો પણ અધવચ્ચેથી હાથ ખસેડી લે છે

21 October, 2020 03:45 PM IST | Mumbai
Dr.Ravi Kothari

મારી પત્નીને ગમે એ રીતે સ્પર્શ કરું તો પણ અધવચ્ચેથી હાથ ખસેડી લે છે

પ્રતીકાત્મક તસવીર

પ્રતીકાત્મક તસવીર


સવાલ- હું ને મારી વાઇફ સેક્સલાઇફને ખૂબ સારી રીતે એન્જૉય કરીએ છીએ. તમે કહો છો એમ અમે બન્ને એકબીજાના ગમા-અણગમા વિશે પૂછી લઈએ છીએ જેને કારણે બેડરૂમમાં બને ત્યાં સુધી ઑકવર્ડ સિચુએશન ઊભી ન થાય. એમ છતાં ક્યારેક તેને ગમતી ચેષ્ટા પર પણ તે અકળાઈ ઊઠે ત્યારે શું કરવું? મોટા ભાગે તેને ગમે એવું હું કંઈક કરું તો તે એકદમ એક્સાઇટ થઈ જાય છે ને એ પછી હું મારી કોઈ માગણી મૂકું તો તરત તૈયાર થઈ જાય છે. ક્લિટોરિસ પર સ્ટિમ્યુલેશન તેને ગમે છે એ તેના ચહેરા પરથી પણ જણાઈ આવે છે. જોકે અમુક સમય પછી તે અચાનક જ મારો હાથ પકડીને દૂર કરવા લાગે છે. ક્યારેક મને ન સમજાય ને હું જોર કરું તો અકળાઈ ઊઠે છે. તેને ગમતો સ્પર્શ કરવાથી પણ તે અકળાઈ જાય છે એ મારી સમજમાં નથી આવતું.
જવાબ- તમે એકમેકના ગમા-અણગમા વિશે વાતચીત કરો છો ને એ મુજબ પરસ્પરને પ્લીઝ કરવાની ચેષ્ટા કરો છો એ ખૂબ જ હેલ્ધી નિશાની છે. કોઈ પણ ઉંમરે સેક્સલાઇફને તરોતાજા રાખવા માટે આ ખૂબ જરૂરી છે. ઉંમર અને અવસ્થા બદલાતાં ગમા-અણગમાઓમાં પણ પરિવર્તન આવે છે એટલે રોમૅન્ટિક શૅરિંગ કદી બંધ ન કરવું.
સેક્સની બાબતમાં એવું જરૂરી નથી કે કોઈક ચેષ્ટા એક સમયે ગમી એ ચેષ્ટા હરહંમેશ ગમતી જ રહે. અમુક સ્થિતિમાં જે ચેષ્ટા ગમતી હોય એ જ કદાચ અન્ય સ્થિતિમાં એટલીબધી ન પણ ગમે.
હવે સમજીએ સ્ત્રીઓની ક્લિટોરિસની વાત. સ્ત્રીના શરીરમાં ક્લિટોરિસ ખૂબ જ સંવેદનશીલ પાર્ટ છે. ત્યાં આંગળીથી મર્દન કરવાથી સ્ત્રીને ખૂબ જ ગમે છે અને એનાથી તે ચરમસીમાનો અનુભવ પણ કરે છે. જોકે એક વાર પરાકાષ્ઠાનો અનુભવ થઈ જાય એ પછી કેટલીક સ્ત્રીઓમાં એ પાર્ટ અત્યંત સંવેદનશીલ થઈ જાય છે એટલે એ પછી જો તમે પહેલાં જેટલી જ ગતિથી આંગળીની મૂવમેન્ટ ચાલુ રાખો તો પત્નીને એનાથી અસુખ થાય છે. તે તમારો હાથ હટાવવાની કોશિશ કરે છે એનો મતલબ એ છે કે તેને ઑર્ગેઝમ અનુભવાઈ ચૂક્યું છે અને હવે તે સ્પર્શ પ્રત્યે વધુ સંવેદનશીલ થઈ ગઈ છે. જો આ વાત તેને પૂછશો તો તે પણ કંઈક આમ જ વર્ણન કરશે.


Whatsapp-channel Whatsapp-channel

21 October, 2020 03:45 PM IST | Mumbai | Dr.Ravi Kothari

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK