આ રીતે બનાવો સ્વાદિષ્ટ બાજરીની નાનખટાઈ

રીડર્સ રેસિપી - ચેતના પરીખ | Sep 12, 2019, 08:54 IST

બાજરીનો લોટ, દળેલી સાકર, બેકિંગ પાઉડર, બેકિંગ સોડા, મીઠું બરાબર મિક્સ કરવું. ત્યાર બાદ થોડું-થોડું ઘી નાખીને મસળીને લોટ બાંધતા જવો. જોઈએ તો થોડુંક વધારે ઘી લેવું. પાણી કે દૂધનો ઉપયોગ કરવો નહીં.

આ રીતે બનાવો સ્વાદિષ્ટ બાજરીની નાનખટાઈ

સામગ્રી

એક કપ બાજરીનો લોટ
પા કપ ઘી + બે મોટી ચમચી ઘી
પા કપ સાકર (આખી)
પા ચમચી મીઠું
પા ચમચી એલચી પાઉડર
ચપટીક જાયફળનો પાઉડર
અડધી ચમચી બેકિંગ પાઉડર
અડધી ચમચી બે‌કિંગ સોડા

બનાવવાની રીત

-સાકર, એલચી અને જાયફળને પીસી લેવાં.
-અવનને ૧૮૦ ડિગ્રી સેલ્સિયસ પર પ્રી-હિટ કરવું.
-બાજરીનો લોટ, દળેલી સાકર, બેકિંગ પાઉડર, બેકિંગ સોડા, મીઠું બરાબર મિક્સ કરવું.
-થોડું-થોડું ઘી નાખીને મસળીને લોટ બાંધતા જવો. જોઈએ તો થોડુંક વધારે ઘી લેવું. પાણી કે દૂધનો ઉપયોગ કરવો નહીં.
-લોટના નાના-નાના લુઆ કરવા અને જરાક દબાવીને ચપટા કરી લેવા.

આ પણ વાંચો: આવી રીતે બનાવો જૈન ટમૅટો રાવીઓલી


-અવનમાં બે‌કિંગ ટ્રેમાં
-બટર પેપર લગાડી ઉપર નાનખટાઈ મૂકી ૧૮૦ ડિગ્રી સેલ્સિયસ પર ૧૫થી ૨૦ મિનિટ બેક કરવું.
-પંદરથી વીસ મિનિટ પછી બહાર કાઢી વાયર રૅક પર નાનખટાઈને ઠંડી થવા મૂકવી.
-આ બાજરીની નાનખટાઈ ચા અથવા કૉફી સાથે સર્વ કરી શકાય.

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK