રસ્સેદાર કાકડી
ADVERTISEMENT
(મીતા ભરવાડા)
સામગ્રી
- ૨૫૦ ગ્રામ કાકડી
- એક કાંદો
- એક ટમેટું
- બે લીલાં મરચાં
- બે કળી લસણ
- એક નાનો ટુકડો આદું
- અડધી ચમચી જીરું
- એક ચમચી ગરમ મસાલો
- એક ચમચી લાલ મરચું
- બે ચમચી ધાણાજીરું
- પા કપ હળદર
- એક ચમચી વરિયાળી
- એક ટુકડો તજ
- ત્રણ ચમચા તેલ
- મીઠું સ્વાદ પ્રમાણે
રીત
સૌપ્રથમ કાકડીની છાલ કાઢી મિડિયમ ટુકડામાં કાપો. કાંદા અને ટમેટાને બારીક સમારો. લીલાં મરચાં, લસણ અને આદુંની પેસ્ટ બનાવો. હવે એક પૅનમાં તેલ ગરમ કરી એમાં તજ, જીરું અને વરિયાળીનો વઘાર કરો. હવે એમાં કાંદા નાખી સાંતળો. થોડું બ્રાઉન થાય એટલે એમાં ટમેટા અને લીલાં મરચાંની પેસ્ટ નાખી ફરી સાંતળો. તેલ છૂટું પડે એટલે એમાં ગરમ મસાલો, લાલ મરચું, ધાણા જીરું, હળદર અને મીઠું નાખી કાકડી ઉમેરો. ઢાંકીને ધીમા તાપે ચડવા દો. એમાં કોથમીર છાંટી પીરસો.
