PUBG મોબાઇલનું ફેક ટ્રેલર સોશિયલ મીડિયા પર વાયરલ

Published: 26th November, 2020 15:22 IST | Gujarati Mid-day Online Correspondent | Mumbai

કંપની દ્વારા હજી સુધી ગેમનું ઓફિશિયલ ટ્રેલર લોન્ચ કરાયું નથી.

ઈન્ડિયા સત્તાવાર રીતે કોર્પોરેટ અફેર્સ મંત્રાલયમાં કંપની તરીકે નોંધાયેલ PUBG (પબજી)નું ટ્રેલર સોશ્યલ મીડિયા પર વાયરલ થઈ રહ્યું છે. કંપની તરફથી કહેવામાં આવ્યું છે કે જે ટ્રેલર વાયરલ થઈ રહ્યું છે તે બનાવટી છે અને કંપની દ્વારા હજી સુધી ગેમનું ઓફિશિયલ ટ્રેલર લોન્ચ કરાયું નથી.

પબજી મોબાઈલ ઈન્ડિયાના પ્રકાશકોએ તેની વેબસાઇટ પર કેટલાક ટીઝર્સ લોન્ચ કર્યા, જે તેના સોશિયલ મીડિયા ચેનલો પર ઉપલબ્ધ છે. પરંતુ આ ટીઝરમાં PUBG ની લોન્ચિંગ તારીખ જાહેર કરવામાં આવી નથી. પબજી મોબાઈલ ઇન્ડિયાની લોન્ચિંગ તારીખ હજી જાહેર થઈ નથી. જો કે, મીડિયાના જુદા જુદા અહેવાલોમાં આ વિશે ઘણા દાવા કરવામાં આવી રહ્યા છે.

આ પણ વાચોઃ પબજી ગેમર્સ માટે હજી એક રાહતના સમાચાર

એક અહેવાલ મુજબ, પબજી ઇન્ડિયા 21 નવેમ્બર 2020 ના રોજ બેંગલુરુમાં એક કંપની તરીકે નોંધાયેલ છે. અહેવાલો અનુસાર, પબજી ઇન્ડિયા પ્રાઇવેટ લિમિટેડના ડિરેક્ટર કુમાર કૃષ્ણન અય્યર અને હ્યુનિલ સોહન છે. પબજી કોર્પોરેશન દ્વારા સત્તાવાર રીતે પબજી ગેમ શરૂ થવા પહેલાં પબજી મોબાઇલ ઇન્ડિયાની પૂર્વ નોંધણી પ્રક્રિયા શરૂ થઈ છે.

PUBG મોબાઇલ ઇન્ડિયા રમવા માટે, એન્ડ્રોઇડ અને આઇઓએસ વપરાશકર્તાઓ ટેપટેપની રમત શેર સમુદાયમાં પૂર્વ નોંધણી કરાવી શકે છે. આ સુવિધા ફક્ત સમુદાયના સભ્યો માટે જ ઉપલબ્ધ છે. અત્યાર સુધી, લગભગ ત્રણ લાખ વપરાશકર્તાઓએ પબજી રમવા માટે નોંધણી કરાવી છે. ટેપટેપ સ્ટોરનું રેટિંગ 9.8 છે. જોકે, આજ સુધી પબજી ગેમ બનાવતી કંપનીએ કોઈ સત્તાવાર માહિતી આપી નથી.

જે લોકો પબજી નહોતા રમતા તે હાલ મજા લઈ રહ્યા છે

1/15

અક્ષય કુમારની ફીર હેરા ફેરી મુવીનો આ સીન મિમ્સ માટે ઘણી વખત વપરાયો છે. આ મિમમાં અક્ષય કુમારને પબજી પ્લેયર્સ સાથે સરખાવ્યો છે, જેઓ આગળ જતા કહેશે કે, બેટા એક વક્ત થા જબ હમ ભી જંગ લડા કરતે થે!
2/15

એક યુઝરે અમરીશ પુરીનો આ ફોટો નાખીને પબજી પ્લેયર્સના પેરેન્ટ્સ સાથે સરખાવ્યા છે. એ વાત તો માનવી પડે કે આજે ઘણા પેરેન્ટ્સ સરકારના આ નિર્ણયથી ખુશ હશે.
3/15

આયુષ્યમાન ખુરાનાનો એક મુવીનો સીન છે જેમાં તે કહે છે કે શ્વાસ તો લેવા દો. સરકારે હાલ 118 એપ્પ ઉપર પ્રતિબંધ મૂક્યો તે પહેલા પણ ટિકટોક સહિત ઘણી એપ્પ ઉપર પ્રતિબંધ મૂક્યો, તેથી આ સીન વર્તમાન પરિસ્થિતિને ફીટ બેસે છે.
4/15

તારક મહેતા કા ઉલ્ટા ચશ્માના પાત્રોને લુડો ગેમના પ્લેયર્સ સાથે સરખાવ્યા છે, જે પબજી ઉપર પ્રતિબંધ મૂકતા ખુશ છે.
5/15

ગૅન્ગ ઓફ વાસેપુરમાં મનોજ બાજપેયી એક અભિનેત્રી સાથે ફ્લર્ટ કરે છે અને આ અભિનેત્રી તે સીનમાં કઈ બોલી શકતી નથી. કંઈક આવી જ હાલત હાલ પબજી પ્લેયર્સની હોવાનું મિમમાં બતાવવામાં આવ્યું છે.
6/15

સલમાન ખાન અને ગોવિંદાની ફિલ્મ પાર્ટનરનો આ એક સીન છે જેમાં ગોવિંદા ખુશીથી રડવા લાગે છે. જે લોકો પબજી નહોતા રમતા તે લોકો કદાચ આવી જ ખુશીનો અનુભવ કરતા હશે.
7/15

જોલી એલએલબી પાર્ટ ટુનો આ સીન છે, જેની સરખામણી પબજી પ્લેયર્સ સાથે કરવામાં આવી છે. પબજી પ્લેયર્સ પણ માનતા હશે કે જે થઈ રહ્યું છે તે બરાબર નથી થઈ રહ્યું.
8/15

લિયોનાર્ડોનો આ એક્સપ્રેશન ખાસા ટાઈમથી મિમ્સમાં વપરાય છે. જે લોકો આ ગેમ નહોતા રમતા તે લોકો પણ આવી જ રીતે હસતા હશે એમ એક યુઝરે કહ્યું હતું.
9/15

અન્ય એક યુઝરે વડાપ્રધાન મોદીનો પ્રચારનો ફોટો લઈને તેમાં લખ્યું કે, વાલીઓ બેઠા કેમ છો? નાચો....
10/15

થોડા સમય પહેલા વડાપ્રધાન નરેન્દ્ર મોદીએ આ ગેમનો ઉલ્લેખ કર્યો હતો. તે વખતનો ફોટો અને તેમની લાઈન કૉપી કરીને દુઃખી થયેલા પબજી પ્લેયર્સ માટે આ મિમ બન્યું છે.
11/15

વડાપ્રધાન નરેન્દ્ર મોદી જાણે પબજી પ્લેયર્સને કહે છે કરો હવે વીડિયો ડિસલાઈક.
12/15

મુન્નાભાઈ એમ.બી.બી.એસ. મુવી બધાએ જોઈજ હશે. આમા સંજય દત્તને લુડો ગેમ સાથે સરખાવીને પબજી પ્લેયર્સને લુડો રમવા માટે આગ્રહ કરવામાં આવી રહ્યો છે.
13/15

શાહરૂખ ખાન આ ફોટોમાં જેવો દુખી છે તેવા જ દુખી હાલ પબજી લવર્સ હશે.
14/15

એક યુઝરે કહ્યું કે બ્રેકઅપ કરતા પબજી ઉપરનું પ્રતિબંધ વધુ આઘાતજનક છે. તેમ જ ટોમ એન્ડ જેરી કાર્ટુનનું ટોમનું કેરેક્ટર લીધુ છે, જે દુખી છે.
15/15

ટોમ એન્ડ જેરી કાર્ટુનમાં આ બધા ટોમના ફ્રેન્ડ હતા. જોકે આ મિમમાં તેમને ટીકટોકર્સ ગણાવ્યા છે જે પબજી ઉપરના પ્રતિબંધથી ખુશ છે.

About the gallery

ભારત-ચીન વચ્ચે ટેન્શન યથાવત્ છે એવામાં સરકારે 118 એપ્પ ઉપર પ્રતિબંધ મૂકીને ડ્રેગનને ઠંડું પાડી દીધું છે. આ 118 એપ્પમાં યુવાઓમાં સૌથી વધુ રમાતી PUBGનો પણ સમાવેશ છે. પબજીના ભારતમાં 3.3 કરોડ એક્ટિવ પ્લેયર્સ હતા. જોકે આ ગેમ ઉપર પ્રતિબંધ મૂકતા સોશ્યલ મીડિયામાં મિમ્સ ફરી રહ્યા છે. અમૂક લોકો ખુશ છે જ્યારે મોટા ભાગના લોકો દુખી જણાય છે.