પચરંગી વેજ-સૂપ
ADVERTISEMENT
(આજની વાનગી-મીતા ભરવાડા)
સામગ્રી
- ૫૦૦ ગ્રામ ટમેટાં
- ૫૦ ગ્રામ ફ્લાવર
- ૫ ગ્રામ બેબીકૉર્ન
- ૫૦ ગ્રામ મશરૂમ
- એક કૅપ્સિકમ
- એક ગાજર
- એક ચમચી કૉર્નફ્લોર
- એક ચમચી માખણ
- ૩-૫ કળી વાટેલું લસણ
- બે ચમચા ટમેટો કેચ-અપ
- મીઠું અને મરી સ્વાદ પ્રમાણે
રીત
સૌપ્રથમ ટમેટાંને સમારી એમાં થોડું પાણી નાખી મિક્સરમાં ગ્રાઇન્ડ કરી ગળી લો. કૉર્નફ્લોરમાં થોડું પાણી નાખી મિક્સ કરી અલગ રાખો. બધાં શાકને મિડિયમ ટુકડામાં કાપી મીઠાવાળા પાણીમાં અધકચરા બાફી લો. હવે એક પૅનમાં માખણ ગરમ કરી એમાં લસણ સાંતળો. ત્યાર બાદ એમાં બધાં શાક, મીઠું અને મરી નાખી ફરી સાંતળો. હવે એમાં ટમેટાંનો તૈયાર કરેલો પલ્પ, કૉર્નફ્લોરવાળું પાણી અને ટમેટો કેચ-અપ નાખી હલાવો. ઢાંકીને ૪-૫ મિનિટ બૉઇલ કરો. ટોસ્ટ સાથે પીરસો.
