મારો માનસિક રીતે અસ્વસ્થ દીકરો શરીરથી મેચ્યોર થઇ રહ્યો છે શું કરું?

Published: 16th October, 2020 14:42 IST | Dr.Ravi Kothari

ભલે તમારો દીકરો માનસિક રીતે અસ્વસ્થ હોય, પણ શરીરનો વિકાસ નૉર્મલ છે ત્યારે તેની જાતીયતા પણ નૉર્મલ હશે. હૉર્મોનલ બદલાવો અત્યારે ચરમ પર હોવાથી થોડુંક અજુગતું લાગે એવું વર્તન પણ કરતો હોઈ શકે છે.

પ્રતીકાત્મક તસવીર
પ્રતીકાત્મક તસવીર

સવાલ- મારો દીકરો ૧૭ વર્ષનો છે અને માનસિક રીતે અસ્વસ્થ છે. જોકે હાઇટ-બોડી એકદમ નૉર્મલ વ્યક્તિ જેવા જ વધી ગયા છે. તેને જાતીયતા વિશે કેટલી સમજણ પડે છે એ તો ખબર નથી પણ ક્યારેક તેના પૅન્ટમાં વીર્યના ડાઘા જોવા મળે છે. મને ખબર નથી કે તે મૅસ્ટરબેશન કરે છે કે પછી સ્ખલન થઈ જાય છે. તેનું વર્તન ક્યારેક બહુ જ વિચિત્ર હોય છે. હવે આવા સંજોગોમાં તેની જાતીયતા બાબતે શું થઈ શકે? તેને આ વિશે કેવી રીતે અને કેટલું સમજાવવું જોઈએ? મારી પત્ની કહે છે કે જો તેનો જાતીય વિકાસ પણ નૉર્મલ હશે તો તેને છોકરીઓ પ્રત્યે આકર્ષણ પણ થશે અને એવા સંજોગોમાં જો તે બહાર જઈને કંઈક ઊલટું કરી આવ્યો તો શું? તેને સાંજે ગાર્ડનમાં ચાલવા લઈ જઈએ ત્યારે તે હવે બીજા લોકો તરફ વિચિત્ર નજરો કરે છે. તેની ઉંમરની અમારા જ બિલ્ડિંગમાં રહેતી છોકરીઓ સમજણી થઈ ગઈ છે એ છતાં તે તેમની સાથે રમવાની જિદ કરે છે. તેને જાતીય શિક્ષણ આપવા માટે શું કરવું?
જવાબઃ ભલે તમારો દીકરો માનસિક રીતે અસ્વસ્થ હોય, પણ શરીરનો વિકાસ નૉર્મલ છે ત્યારે તેની જાતીયતા પણ નૉર્મલ હશે. હૉર્મોનલ બદલાવો અત્યારે ચરમ પર હોવાથી થોડુંક અજુગતું લાગે એવું વર્તન પણ કરતો હોઈ શકે છે. આવા સંજોગોમાં બને ત્યાં સુધી તેને એકલો બહાર ફરવા મોકલવો નહીં.
પૅન્ટમાં જોવા મળતા વીર્યના ડાઘા બતાવે છે કે તેની શારીરિક ક્રિયાઓ સ્વસ્થ છે. જો તે હસ્તમૈથુન કરતો કે પોતાના પ્રાઇવેટ પાર્ટ્સ સાથે રમતો કદી જોવા ન મળ્યો હોય તો બની શકે છે કે એ નાઇટફૉલ જ હોય. જે હોય એ એમાં કશું જ ખોટું નથી. હા, તેને કુદરતી આવેગો સંતોષવા માટે હસ્તમૈથુન કરતાં શીખવવું જરૂરી છે. જોકે આ બાબતનું જ્ઞાન આપવામાં સાવચેતી જરૂરી છે. જાતે સંતોષ લેતાં શીખવું અને છતાં એ ક્રિયાને અંગત રાખવી એ સંતુલન શીખવવાનું મહત્ત્વનું છે. તમે જાતે જ તેને કશું શીખવો એના કરતાં સેક્સોલૉજિસ્ટ કમ સાઇકોલૉજિસ્ટ નિષ્ણાત હોય એવી વ્યક્તિને કન્સલ્ટ કરવા જોઈએ.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK