સુવા ભાજીનાં મૂઠિયાં
સુવા ભાજીનાં મૂઠિયાં
સામગ્રી
અડધો કપ જાડો ઘઉંનો લોટ
અડધો કપ જાડો ચોખાનો લોટ
અડધો કપ મકાઈનો લોટ
અડધો કપ ધોઈને સમારેલી સુવાની ભાજી
બે ચમચી વાટેલાં આદું-મરચાં-લસણ
સ્વાદ પ્રમાણે મીઠું
બે ચમચા દહીં
૪ ચમચા તેલ
બે ચમચા સમારેલો ગોળ
રીત
એક વાસણમાં બધા લોટ લેવા. એમાં સુવાની ભાજી સમારી કોરી કરી એમાં દહીં ,ગોળ, તેલ અને બધા મસાલા ઉમેરો.
હવે લોટ બાંધી લંબગોળ મૂઠિયાં વાળી લેવાં. પછી મૂઠિયાંને સ્ટીમ કરવા મૂકવાં. ૩૦ મિનિટમાં મૂઠિયાં સ્ટીમ થઈ જશે.
પછી એના કાપા કરી ગરમાગરમ તેલ સાથે સર્વ કરવાં.
તમે વઘારીને પણ ખાઈ શકો છો.
તો તૈયાર છે એકદમ હેલ્ધી સુવા ભાજીનાં મૂઠિયાં.