મિની તવી હાંડવો

મિની તવી હાંડવો

ADVERTISEMENT

સામગ્રી

૩૦૦ ગ્રામ ચોખા

૧૫૦ ગ્રામ અડદની દાળ

ચાર સમારેલાં ટમેટાં

બે ઝીણા સમારેલા કાંદા

એક નાની વાટકી ઝીણી સમારેલી કોથમીર

બે ચમચી લાલ મરચું

અડધી ચમચી હળદર

અડધી ચમચી સાકર

એક ચમચી ધાણાજીરું

મીઠું સ્વાદ પ્રમાણે

અડધી ચમચી ખાવાનો સોડા

વઘાર માટે  એક ચમચી તલ

બે ચમચા અડદની દાળ

બે ચમચા રાઈ

જરૂર પ્રમાણે તેલ

રીત

ચોખા અને અડદની દાળને છાશ અથવા દહીંમાં પાંચ-છ કલાક માટે પલાળો. ત્યાર બાદ એને વાટી લો. હવે આ મિશ્રણમાં સોડા ઉમેરી બરાબર હલાવો. ત્યાર બાદ એમાં ટમેટાં, કાંદા, કોથમીર મિક્સ કરો. એમાં હળદર, મરચું, ધાણાજીરું, સાકર તેમ જ મીઠું ઉમેરી હલાવો અને હાંડવા માટેનું મિશ્રણ તૈયાર કરો. હવે ઊંડી કડાઈમાં એક ચમચો તેલ ગરમ કરો. એમાં અડધી ચમચી અડદની દાળ, થોડી રાઈ અને અડધી ચમચી તલનો વઘાર કરી એમાં હાંડવાનું તૈયાર કરેલું મિશ્રણ એક ચમચો રેડો. એને ઢાંકીને એક-બે મિનિટ ચડવા દો. ત્યાર બાદ એને ઊલટો કરી ફરી એક મિનિટ ચડવા દો. આ રીતે બધા જ તવા હાંડવા બનાવી લો. એને સર્વિંગ-પ્લેટમાં કાઢી ચટણી અને સૉસ સાથે સર્વ કરો.

(આટલા મિશ્રણમાંથી દસથી બાર પીસ તવી હાંડવો બની શકે છે. આ હાંડવો નાના પૂરી જેવા આકારનો બનશે. ટૉપિંગ તરીકે ચીઝ પણ ભભરાવી શકાય.)