ગ્રિલ્ડ મશરૂમ સૅન્ડવિચ

Published: 31st October, 2012 05:48 IST

બ્રેડની સ્લાઇસની કિનારીઓ કાપીને અલગ રાખો. એક પૅનમાં તેલ ગરમ કરો. એમાં સમારેલા મશરૂમને ચાર-પાંચ મિનિટ સાંતળો.


સામગ્રી

  •  ૧૨ સ્લાઇસ બ્રાઉન અથવા વાઇટ બ્રેડ
  •  બે કપ ઝીણા સમારેલા મશરૂમ
  •  પા કપ ખમણેલું ચીઝ
  •  એક ચમચો ઝીણાં સમારેલાં લીલાં મરચાં
  •  જરૂર પ્રમાણે બટર
  •  એક ચમચો તેલ
  •  મીઠું અને મરી સ્વાદ પ્રમાણે
  •  બે ચમચા ઝીણી સમારેલી કોથમીર


રીત

બ્રેડની સ્લાઇસની કિનારીઓ કાપીને અલગ રાખો. એક પૅનમાં તેલ ગરમ કરો. એમાં સમારેલા મશરૂમને ચાર-પાંચ મિનિટ સાંતળો. પાણી સુકાય એટલે એમાં લીલાં મરચાં, મીઠું, મરી ઉમેરી બરાબર મિક્સ કરો. એને ગૅસ પરથી ઉતારી ખમણેલું ચીઝ અને કોથમીર ઉમેરો અને મિક્સ કરો.

હવે સૅન્ડવિચ બનાવવા માટે બ્રેડની સ્લાઇસ લઈ એના પર બટર સ્પ્રેડ કરો. એના પર તૈયાર કરેલું મશરૂમનું મિશ્રણ પાથરો. એના પર બટર લગાવેલી બ્રેડની બીજી સ્લાઇસ મૂકો. સૅન્ડવિચને ગ્રિલરમાં બન્ને સાઇડથી થોડી બ્રાઉન થાય ત્યાં સુધી ગ્રિલ કરો. એને સૉસ સાથે ગરમ-ગરમ સર્વ કરો. બ્રેકફાસ્ટમાં આ સૅન્ડવિચ સારી લાગશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK