કોલ્હાપુરી બૈંગન

- મીતા ભરવાડા

સામગ્રી :-

• ૩૦૦ ગ્રામ નાનાં રીંગણ
• બે ટમેટાં
• તળવા માટે તેલ
• એક ચમચી લાલ મરચું
• એક ચમચી ધાણાજીરું
• થોડી હળદર
• મીઠું સ્વાદ પ્રમાણે
• મસાલા માટે એક સમારેલો કાંદો
• ત્રણ કળી લસણ
• બે લીલાં મરચાં
• બે કાશ્મીરી લાલ મરચાં
• એક ટુકડો આદું
• એક ચમચી તલ
• એક ચમચી ખસખસ
• એક ચમચી સૂકું કોપરું
• એક ચમચી જીરું
• ૬-૮ મેથીના દાણા
• પા ચમચી રાઈ
• એક ચમચી આખા ધાણા
• ત્રણ કાળા મરીના દાણા
• એક ટુકડો તજ
• બે લવિંગ
• બે એલચીના દાણા
• બે ચમચા તેલ

રીત :-

રીંગણના બે ભાગ કરી તેલમાં તળીને અલગ રાખો. એક પૅનમાં તેલ ગરમ કરીને કાંદા સાંતળો. એમાં તલ, ખસખસ અને સૂકું કોપરું ઉમેરીને ફરી સાંતળો. ત્યાર બાદ એમાં બાકીની બધી સામગ્રી નાખીને ધીમા તાપે શેકો. એ ઠંડું થાય એટલે એમાં ટમેટાં નાખીને મિક્સરમાં વાટી લો. બીજી પૅનમાં થોડું તેલ ગરમ કરી એમાં વાટેલો મસાલો નાખીને સાંતળો. પછી એમાં લાલ મરચું, ધાણાજીરું, હળદર અને મીઠું ઉમેરીને તળેલાં રીંગણ નાખો. એમાં થોડું પાણી નાખી ઢાંકીને ત્રણથી ચાર મિનિટ ચડવા દો. એને પરાઠા સાથે સર્વ કરો.