જાણો કેવું રહેશે આપનું આવતું અઠવાડિયું...
સાપ્તાહિક રાશિભવિષ્ય
મેષ (અ,લ,ઈ): વિદેશથી શુભ સમાચાર-આર્થિક લાભ બાબતે મળે. જમીન, મકાન-વાહનને લગતા પ્રશ્નોનો ઉકેલ આવે. માંગલિક કાર્યોમાં વારંવાર જવાનો અવસર આવે. મોટા ભાઈ -બહેનનાં સલાહ-સૂચન અવશ્ય લેવાં જે લાભદાયી નીવડે.
વૃષભ (બ,વ,ઉ): નોકરી-ધંધાના તેમ જ અંગત કામકાજ માટે વ્યસ્તતા રહે. સામાજિક સંબંધો સાચવવા માટે ચિંતા રહે. યાત્રા પ્રવાસનું આયોજન કરી મુશ્કેલીમાં આવી જવાય. પાણીજન્ય રોગોથી વિશેષ સાવધ રહેવું.
ADVERTISEMENT
મિથુન (ક,છ,ઘ): સીઝનલ ધંધામાં સારી સફળતા પ્રાપ્ત થાય. દરેક કામકાજ માટે માન-સન્માન મળે. વધુ પડતા કામની વ્યસ્તતાથી દોડધામ, શ્રમ-થાક અનુભવાય. વજન વધુપડતું ન ઘટે તે અંગે તકેદારી રાખજો.
કર્ક (ડ,હ): મહત્વનાં કાર્યોમાં સારી સફળતા પ્રાપ્ત થાય. આગામી સપ્તાહ મનોરંજનથી ભરપૂર પસાર થાય. પ્રતિસ્પર્ધીઓ દ્વારા વધુ મુશ્કેલીઓ આવે. આકસ્મિક ઊંઘ ઓછી આવે માટે સાવધાની રાખજો.
સિંહ (મ,ટ): આગામી સપ્તાહમાં હૃદય-મનની પ્રસન્નતા સારી અનુભવાશે. નોકરી-ધંધાના કામકાજમાં લાભદાયી સમય. સગાં-સંબંધી, મિત્રવર્ગની ઘરે માંગલિક કાર્યોનો શુભ પ્રસંગ આવે. વાહન અકસ્માત થવાની શક્યતા પ્રબળ રહેલી છે માટે સંભાળીને વાહન ચલાવજો.
કન્યા (પ,ઠ,ણ) : આગામી સપ્તાહમાં મહત્વની તક સરી જતી હોય તેવું લાગે. વડીલોથી મહત્વની તકો પ્રાપ્ત થાય. દૂર રહેતા સ્વજનો સાથે સંબંધો બગડે. તુલસીના ક્યારે નિત્ય દીપ પ્રગટાવી મનોમન પ્રાર્થના કરવી.
તુલા (ર,ત): સામાજિક કાર્યો કરવા માટે દૂર-દૂરથી સારા સમાચાર પ્રાપ્ત થાય. આવકમાં પહેલાં કરતાં સુધારો જણાય. સાળી સાથે પ્રેમસંબંધો થાય. કુળદેવીને નૈવેધ ધરાવવો.
વૃશ્ચિક (ન,ય): રાજકીય મહાનુભાવો દ્વારા વિશેષ મદદ મળે. વતનથી ધાર્યો લાભ પ્રાપ્ત થાય. મોસાળ પક્ષથી શુભ સમાચાર. દૂર-દૂરના મિત્રોથી નુકસાની આવે, સાવધ રહેજો.
ધન (ભ,ધ,ફ,ઢ): આર્થિક પાસું વધુ નબળું પડે. દૂર રહેતા સ્વજનોની અચાનક મુલાકાતનો અવસર થાય. સામાજિક પ્રતિષ્ઠા વધે. નવાં રોકાણો કરવામાં ખૂબ જ સાવધાની રાખજો.
મકર (ખ,જ): નવી-નવી યોજનાઓ સંભવ બને. આગામી સપ્તાહ ધીરજતાથી પસાર કરવાનો અવસર આવે. માનસિક ચિંતા હળવી થતી જણાય. આપનું મૌન જ આપની અડચણોની સમસ્યા બની રહેશે.
કુંભ (ગ,સ,શ) : કરજ તથા વ્યાજની ચિંતા દૂર થતી જણાય. અટકેલાં કાર્યોમાં થોડો વેગ મળે. જીવનમાં વિસરી ગયેલી મીઠાશનો સ્વાદ ફરીથી ચાખવા મળે. ઋતુગત બીમારીથી સાચવવું.
મીન (દ,ચ,ઝ,થ) : નાના-મોટા દરેક કાર્યમાં નાની-નાની મુશ્કેલીઓનો સામનો કરવો પડે. માનસિક ચિંતાનું ભારણ વધે. મિત્રવર્તુળથી ધાર્યો લાભ ન પ્રાપ્ત થાય. ગુરુવારનું એકટાણું કરવું જેનાથી તમામ અટકેલાં કાર્યો પૂર્ણ થશે.