સાપ્તાહિક રાશિભવિષ્ય: જાણો કેવું રહેશે તમારું આ અઠવાડિયું
રાશિફળ
મેષ (અ,લ,ઈ): નોકરી-ધંધાના કામકાજમાં ચિંતા, ખર્ચ, દોડધામ રહ્યા કરે. સરકારી ખાતાકીય કાનૂની કાર્યવાહીમાં આળસ કે બેદરકારી ન રાખવી. વિલંબમાં પડેલ કામ ઉકેલાય. અજાણી વ્યક્તિ સાથે વાર્તાલાપ ન કરવો.
વૃષભ (બ,વ,ઉ): બૅન્કના વ્યવહારમાં નાણાંની લેવડદેવડમાં ખાસ ધ્યાન રાખવું. શૅરબજારોની વધઘટમાં વેપાર-ધંધામાં સંભાળવું. નવા-જૂના સંબંધો તાજા થાય. મહાલક્ષ્મીના મંદિરે દરરોજ જવું.
ADVERTISEMENT
મિથુન (ક,છ,ઘ): વધારાનાં કામ ઉકેલવામાં ધ્યાન આપવું પડે. થાપામાં કે પગમાં દર્દ ભરાઈ રહ્યા કરે. કામની સતત વ્યસ્તતા હોવાને કારણે આરામ પૂરતો ન થાય. શિવજીના નિત્ય દર્શન કરવા.
કર્ક (ડ,હ): બૅન્કની લોન લેવા માટે જામીનગીરી મેળવવા માટે તકલીફ થાય. સંતાનના આરોગ્ય, વિદ્યાભ્યાસ, વિવાહ, સગાઈ, લગ્ન, નોકરી-ધંધાના કામમાં તકલીફો વધે. શાસ્ત્ર-વચન નિયમિત કરવું.
સિંહ (મ,ટ): આરોગ્યની સુખાકારી જળવાઈ રહે. વિદેશથી શુભ તકોની વાતો ચાલે. નોકરિયાત વર્ગને સન્માન સાથે ઈજાફો પણ મળે. દરરોજ ત્રણ એલચી ખાઈને બહાર નીકળવું.
કન્યા (પ,ઠ,ણ) : આપને રચનાત્મક કાર્યોમાં ભાગ લેવાનું શક્ય બને. નાણાકીય સ્થિતિ વધારે કમજોર બને. થોડા વખત માટે બીજાનું વાહન વપરાશ ન કરવું. બુધવારે લીલું પાન અવશ્ય ખાવ.
તુલા (ર,ત): કૌટુંબિક વિખવાદોનો અંત આવે. વડીલો સાથે મત-મતાંતર વારંવાર થયા કરે. નોકરીમાં આરામપ્રિય કામ મળે. ‘વિષ્ણુ સહસ્ત્ર’ના હરતા-ફરતા પણ પાઠ કરવા.
વૃશ્ચિક (ન,ય): શૅર સટ્ટાકીય લાભ. કોર્ટ-કચેરીમાં સારાં કામ માટે જવાનું થાય. યાત્રા-પ્રવાસમાં નવી મુલાકાત થાય. મંગળનું નંગ પહેરતા હોય તો કાઢી નાખવું.
ધન (ભ,ધ,ફ,ઢ): અતિ ભાવુકતાથી સાવધ રહેવું. સામાજિક કામમાં વધારે વ્યસ્તતા રહે. માતૃપક્ષથી શુભ સમાચાર મળે. ઇષ્ટદેવનો શુદ્ધ ઘીનો દીવો કરવો.
મકર (ખ,જ): ઘર કે ઑફિસમાં ચોરી થવાની સંભાવના. નોકરીમાં બેદરકારીને કારણે આર્થિક નુકસાન થઈ શકે. સપ્તાહમાં સામાજિક મોભો વધે. ભિક્ષુકને કાચી ખીચડી આપવી.
કુંભ (ગ,સ,શ) : આગામી સપ્તાહમાં ધાર્યા એક પણ કામ ન થાય. શાંતિથી સપ્તાહ પસાર કરવું. મહત્ત્વના નિર્ણય ન લેવા. વધારાની આવક પ્રાપ્ત કરવામાં સફળતા ન મળે. આંખોને લગતા ચેપી રોગથી સાવધાની રાખવી.
મીન (દ,ચ,ઝ,થ): સારી તક સરી જાય. નોકરીમાં પગારવધારો જોવા મળે. વડીલોના સ્વાસ્થ્ય માટે વિશેષ કાળજી રાખવી. શુભેચ્છકો દ્વારા રોજગારી મળે. ગાયને દરરોજ રોટલી ખવડાવવી.
