Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > લાઇફસ્ટાઈલ સમાચાર > સંસ્કૃતિ અને વારસો > આર્ટિકલ્સ > ગુજરાતનું સ્વર્ગ એટલે ડાંગ..તમે જોયું કે નહીં?

ગુજરાતનું સ્વર્ગ એટલે ડાંગ..તમે જોયું કે નહીં?

28 August, 2019 06:35 PM IST | ડાંગ
ફાલ્ગુની લાખાણી

ગુજરાતનું સ્વર્ગ એટલે ડાંગ..તમે જોયું કે નહીં?

આવું છે ગુજરાતનું સ્વર્ગ(તસવીર સૌજન્યઃ ડાંગ કલેક્ટર કચેરી)

આવું છે ગુજરાતનું સ્વર્ગ(તસવીર સૌજન્યઃ ડાંગ કલેક્ટર કચેરી)


ગુજરાતનો પ્રાકૃતિક સૌંદર્ય અને નૈસર્ગિક વનસંપદાનો ભંડાર એટલે ડાંગ. જ્યા આવેલું છે સાપુતારા હિલ સ્ટેશન, ગિરા ધોધ, બોટાનિકલ ગાર્ડન, ડોન હિલ્સ, શબરી ધામ, ધરમપુર હિલ્સ..આવા તો કેટ કેટલાય સ્થળો. ડાંગને કુદરતનું વરદાન મળ્યું છે. અને એટલે જ તે ગુજરાતનું સ્વર્ગ ગણવામાંઆવે છે.

ડાંગ જિલ્લાનું મુખ્ય મથક આહવા છે. અહીં સાગ, સાદડ અને વાંસના ગાઢ જંગલો આવેલા છે. આ જિલ્લાની સરહદ મહારાષ્ટ્ર સાથે જોડાયેલી છે. અહીં અંબિકા, પૂર્ણા, સર્પગંગા, ખાખરી, ગિરા નદી આવેલી છે. જ્યારે અહીંનો મુખ્ય પાક નાગલી, વરી, મકાઈ, ડાંગર, કોદરા, રાગી, અડદ, તુવેર છે. ડાંગ જિલ્લો વસ્તીની દ્રષ્ટિએ રાજ્યનો સૌથી નાનો જિલ્લો છે. અને રાજ્યમાં સૌથી વધુ વરસાદ અહીં જ પડે છે.

આવો છે ડાંગનો ઈતિહાસ
ડાંગ જિલ્લો ઐતિહાસિક મહત્વ ધરાવે છે. રામાયણના સમયમાં ડાંગ જિલ્લાને દંડકારણ્ય અથવા દંડકના નામે ઓળખવામાં આવતું હતું. કહેવાય છે કે પાંડવો પણ એક સમયે ડાંગમાં રહ્યા હતા. આજે પણ આહવા નજીક પાંડવ ગુફા આવેલી છે. આ વિસ્તારમાં મૌર્ય, સાનપ્રાસ, સત્યવાહન, કાહત્રા અને આભીર રાજાઓ રાજ કરી ગયા છે. જ્યારે શિવાજી મહારાજે સુરત પર ચડાઈ કરી ત્યારે ડાંગમાં તેમણે પડાવ નાખ્યો હતો. બાદમાં અંગ્રેજોએ ડાંગનું જંગલ લીઝ પર પણ લીધું હતું. અને ત્યાંના મજબૂત લાકડાનો ઉપયોગ તેઓ લડાયક વહાણ અને મકાન બાંધવામાં કરતા હતા.

dang dance



ડાંગના પરંપરાગત નૃત્યની ઝલક(તસવીર સૌજન્યઃ યૂટ્યૂબ)


દેશ આઝાદ થયો ત્યાર બાદ ડાંગ જિલ્લાને મુંબઈ સ્ટેટ સાથે ભેળવી દેવામાં આવ્યો હતો. 1948માં ડાંગને અલગ જિલ્લા તરીકે કરવામાં આવ્યો. 1960માં જ્યારે ગુજરાત અને મહારાષ્ટ્ર અલગ થયું ત્યારે ડાંગનો સમાવેશ ગુજરાતમાં કરવામાં આવ્યો છે.

ડાંગની સંસ્કૃતિ
ડાંગ મોટાભાગે આદિવાસી વસ્તી ધરાવતો વિસ્તાર છે. અહીંનું હવામાન એકદમ ખુશનુમા રહે છે. કુદરતના ખોળે વસેલું હોવાના કારણે ગરમીમાં પણ અહીં 28 ડિગ્રીથી વધુ તાપમાન નથી રહેતું. ઉનાળામાં રજાઓ ગાળવા માટે ડાંગ સૌથી સારી જગ્યા છે. ખાસ કરીને સાપુતારા ખૂબ જ રળિયામણી જગ્યા છે. ડાંગના ગ્રામ્ય વિસ્તારમાં વસતા લોકો સર્પની પૂજા કરે છે. હોળીના સમયે તેઓ ખાસ ઉજવણી કરી છે. ડાંગ દરબાર અને ડાંગના આદિવાસીઓનું નૃત્ય ખૂબ જ પ્રસિદ્ધ છે.

તો આવું છે આપણું ડાંગ..અહીંની ઘણી વસ્તી પ્રવાસન પર નભે છે. અહીં તમને આદિવાસી સંસ્કૃતિની ઝલક જોવા મળશે. જો તમારે પ્રકૃતિની સાથે સંસ્કૃતિની પણ ઝલક મેળવવી હોય તો ડાંગની મુલાકાત જરૂર લેજો.


Whatsapp-channel Whatsapp-channel

28 August, 2019 06:35 PM IST | ડાંગ | ફાલ્ગુની લાખાણી

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK