Google Pixel 4 ડ્યુલ સિમ સપોર્ટની સાથે થઈ શકે છે રજૂ

Feb 11, 2019, 16:06 IST

આગામી ફ્લેગશિપ Pixel સ્માર્ટફોન ડ્યુલ સિમ સાથે રજૂ થવાની આશા છે.

Google Pixel 4 ડ્યુલ સિમ સપોર્ટની સાથે થઈ શકે છે રજૂ
પ્રતીકાત્મક તસવીર

Google Pixel 4 સ્માર્ટફોન ડ્યુલ સિમ સપોર્ટની સાથે રજૂ કરાઈ શકે છે. આ બાબતની માહિતી AOSP(એન્ડ્રોઇડ ઓપન સોર્સ પ્રોજેક્ટ) ગેરિટ સિસ્ટમમાં અપાઈ છે. આ રિપોર્ટ મુજબ, આગામી ફ્લેગશિપ Pixel સ્માર્ટફોન ડ્યુલ સિમ સાથે રજૂ થવાની આશા છે. જોકે, Pixel 3 પણ ડ્યુલ સિમને સપોર્ટ કરે છે, પણ આમાં એક નેનો સિમ અને eSIM સપોર્ટ આપેલું છે. પણ આ બન્ને સિમ એકસાથે વાપરી શકાતા નથી. કેટલાય એન્ડ્રોઈડ સ્માર્ટ ફોન્સ ડ્યુલ સિમ, ડ્યુલ એક્ટિવ સપોર્ટ સાથે આવે છે. એનો અર્થ એ છે કે યુઝર્સ ડેટા અને કૉલ માટે મેન્યુઅલી ઓપ્શન્સ સિલેક્ટ કરી શકશે.

આ સિવાય Pixel 4 વિશે પણ વધુ માહિતી નથી મળી રહી. જોકે, આ પહેલા Googleએ એક પેટેન્ટ ફાઈલ કરી હતી જેના લીધે આ ફોન વિશે કેટલીક માહિતી સામે આવી હતી. એમાં કહેવાયું હતું કે આ ફોન ઑલ-સ્ક્રીન ડિઝાઈનની સાથે રજૂ કરવામાં આવશે. આ ફોન વિના નૉચ, ફિંગરપ્રિન્ટ સ્કેનર અને સિંગલ કેમેરા સાથે રજૂ કરાઇ શકે છે.

આ પણ વાંચો : મેડિકલ ક્ષેત્રની આ ટેક્નીકથી સર્જરીના ખર્ચમાં થશે 70 ટકાનો ઘટાડો

Pixel 3 અને Pixel 3 XL લાઈટ વેઇટ થઈ શકે છે લૉન્ચ

Pixel 3 અને Pixel 3 XLના લાઇટ વર્ઝન લૉન્ચ કરવાના સમાચાર સામે આવી રહ્યા છે. આ ફોન્સ વિશે છેલ્લા ઘણા વખતથી ખબરો આવી રહી છે. એક નવી રિપોર્ટ પ્રમાણે, ભારતીય ટિપ્સટર ઈશાન અગ્રવાલે Pixel 3 અને Pixel 3 XL Lite ભારતમાં લૉન્ચ થવાની માહિતી આપી છે. એમાં કહેવાયું છે કે આ બન્ને ફોન્સ ટૂંક સમયમાં જ ભારતમાં લૉન્ચ થશે. જોકે, તેણે તારીખની બાબત વિશે કોઈ જ ખુલાસા કર્યા નથી.

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK