બૉડી-હગિંગ ડ્રેસનો છે ટ્રેન્ડ
સ્ટાર & સ્ટાઇલ
હાલમાં હૉલીવુડની એક ડિઝાઇનર બૉલીવુડની બ્યુટીઓને ખૂબ ગમી ગઈ છે અને તેઓ તેણે જ ડિઝાઇન કરેલો એક ખાસ ડિઝાઇનનો ડ્રેસ પહેરેલી જોવા મળે છે. ઇન્ટરનૅશનલ ડિઝાઇનર વિક્ટોરિયા બેકહૅમના ડિઝાઇન કરાયેલા આ બૉડી-હગિંગ ડ્રેસ જોવામાં ખૂબ સિમ્પલ છે પણ પહેર્યા બાદ શરીરને નિખારે છે. તાજેતરમાં પ્રિયંકા ચોપડા, નેહા ધુપિયા, મલઇકા અરોરા અને સોનમ કપૂર આવા જ વિક્ટોરિયા બેકહૅમ ડ્રેસમાં જોવા મળી હતી. આ ડ્રેસની ખાસિયત એ છે કે એ ગોઠણથી થોડી વધુ લંબાઈના હોય છે અને ટૉપથી બૉટમ સુધી શરીરને ચોંટી જાય એવું ટાઇટ ફિટિંગ ધરાવે છે. ચારે ઍક્ટ્રેસોએ ડ્રેસ સાથે ન્યુડ શેડનાં શૂઝ પહેર્યા છે. સોનમ કપૂર પહેલાં પણ વિક્ટોરિયા બેકહૅમ ડ્રેસ પહેરેલી જોવા મળી છે અને ખુદ વિક્ટોરિયા બેકહૅમે તેની સ્ટાઇલને ખૂબ વખાણી હતી.