બિસ્કિટ પકોડા

Published: 1st November, 2012 05:34 IST

ખીરું બનાવવા માટે એક મોટા બાઉલમાં ચણાનો લોટ લો. એમાં મકાઈના ક્રશ કરેલા દાણા, મીઠું, હળદર, લાલ મરચું અને ધાણાજીરું ઉમેરીને હલાવો.




સામગ્રી

  •  ૧૨ મોનેકો બિસ્કિટ
  •  એક નાનું ટમેટાની ગોળ સ્લાઇસ
  •  એક કાકડીની સ્લાઇસ
  •  બે ચમચા કોથમીરની લીલી ચટણી
  •  બે ચમચી ટમેટૉ કેચ-અપ


ખીરા માટે

  •  એક કપ ચણાનો લોટ
  •  અડધો કપ ક્રશ કરેલા મકાઈના દાણા
  •  મીઠું સ્વાદ પ્રમાણે
  •  અડધી ચમચી હળદર
  •  અડધી ચમચી લાલ મરચું
  •  અડધી ચમચી ધાણા-જીરું
  •  તળવા માટે તેલ


સજાવટ માટે


  •  એક ચમચો ખમણેલું ચીઝ
  •  થોડો ચાટ મસાલો


રીત

ખીરું બનાવવા માટે એક મોટા બાઉલમાં ચણાનો લોટ લો. એમાં મકાઈના ક્રશ કરેલા દાણા, મીઠું, હળદર, લાલ મરચું અને ધાણાજીરું ઉમેરીને હલાવો. એમાં જરૂર પ્રમાણે પાણી ઉમેરીને થોડું જાડું ખીરું તૈયાર કરો અને અલગ રાખો.

હવે એક-એક વાટકીમાં ચટણી અને ટૉમેટો કેચ-અપ મિક્સ કરી લો. એક મોનેકો બિસ્કિટ લઈ એના પર તૈયાર કરેલું ચટણી અને કેચ-અપનું મિશ્રણ લગાવો. એના પર ટમેટાની એક સ્લાઇસ મૂકો. એના પર ફરી એક બિસ્કિટ મૂકો અને ચટણી કેચ-અપવાળું મિશ્રણ લગાવો. એના પર કાકડીની સ્લાઇસ મૂકી ફરી બિસ્કિટ મૂકો. આ રીતે ત્રણ લેયરની બિસ્કિટની સૅન્ડવિચ બનશે. આ રીતે ચારે સૅન્ડવિચ રેડી કરો. એક કડાઈમાં તેલ ગરમ કરો. હવે તૈયાર કરેલી સૅન્ડવિચને ખીરામાં ડુબાડી, બધી બાજુથી કવર કરી તેલમાં ગોલ્ડન બ્રાઉન થાય ત્યાં સુધી તળી લો. બધા પકોડા તળીને સર્વિંગ પ્લેટમાં કાઢો. એને વચ્ચેથી ઊભા કાપીને બે ભાગ કરો. એના પર ચાટ-મસાલો ભભરાવો. પછી ખમણેલું ચીઝ ભભરાવી ગરમ-ગરમ સર્વ કરો.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK