બટાટા-શક્કરિયાની બરફી
ADVERTISEMENT
સામગ્રી
- બે બટાટા
- એક શક્કરિયા ગાજર
- એક ચમચો ઘી
- બા ચમચી એલચીનો પાઉડર
- ૬-૮ બારીક સમારેલા પિસ્તા
- એક ચમચો બારીક સમારેલી બદામ
- એક ચમચો કિસમિસ
- એક કપ ખમણેલો માવો.
- અડધો કપ કન્ડેન્સ્ડ મિલ્ક
સજાવટ માટે
- પિસ્તાની ૩-૪ સ્લાઇસ, બદામની ૩-૪ સ્લાઇસ, એક ચમચી કિસમિસ
રીત
બટાટા અને શક્કરિયાની છાલ કાઢી ખમણી લો. એક કડાઈમાં ઘી ગરમ કરો. એમાં બટાટા અને શક્કરિયાને ૧૦-૧૫ મિનિટ સુધી સાંતળો. ત્યાર બાદ ગૅસ ધીમો કરી એમાં એલચીનો ભૂકો, સમારેલા પિસ્તા, બદામ અને કિસમિસ ઉમેરી હલાવો અને ૨-૩ મિનિટ માટે સાંતળો. ત્યાર બાદ એમાં માવો ઉમેરી બરાબર મિક્સ કરો. હવે કન્ડેન્સ્ડ મિલ્ક ઉમેરી મિક્સ કરો. મિશ્રણ જાડું થાય ત્યાં સુધી હલાવતા રહેવું.એક થાળીમાં ઘી લગાવી બરફીના મિશ્રણને એમાં પાથરી દો. એને બદામ, પિસ્તાની સ્લાઇસ તેમ જ કિસમિસથી સજાવો. ઠંડું થાય એટલે મનગમતા આકારમાં કાપી પીરસો.