Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > લાઇફસ્ટાઈલ સમાચાર > સેક્સ એન્ડ રિલેશનશિપ > આર્ટિકલ્સ > વાઇફને મુખમૈથુન કે ગુદામૈથુનથી પણ સંતોષ મળતો હશે?

વાઇફને મુખમૈથુન કે ગુદામૈથુનથી પણ સંતોષ મળતો હશે?

16 June, 2021 12:10 PM IST | Mumbai
Dr. Mukul Choksi | askgmd@mid-day.com

મારી વાઇફ ચરમસીમાનો અનુભવ કરી શકતી હશે, એને પરમ શાંતિનો અનુભવ થતો હશે કે પછી એવા સંજોગોમાં સ્ત્રી અધૂરપની લાગણી અનુભવી ખાલી મને જ રહી જતી હશે, સ્પષ્ટતા કરશો તો હું મારી વાઇફનું મન જાણી શકીશ.

GMD Logo

GMD Logo


મારી ઉંમર ૬૦ વર્ષની છે. હું ગુદામૈથુન કે ફક્ત મુખમૈથુન કરાવું તો પણ સંતુષ્ટ થઈ જાઉં છું પણ શું એનાથી સ્ત્રીને સંતોષ પ્રાપ્ત થાય ખરો? મારી વાઇફ ચરમસીમાનો અનુભવ કરી શકતી હશે, એને પરમ શાંતિનો અનુભવ થતો હશે કે પછી એવા સંજોગોમાં સ્ત્રી અધૂરપની લાગણી અનુભવી ખાલી મને જ રહી જતી હશે, સ્પષ્ટતા કરશો તો હું મારી વાઇફનું મન જાણી શકીશ.
મીરા રોડના રહેવાસી

વાઇફનું મન જાણવા માટે તમારે આ કૉલમનો ઉપયોગ કરવો પડે અને મારી પાસેથી એનો જવાબ માગવો પડે એનાથી મોટી શરમની વાત કઈ હોઈ શકે? તમે તમારા વાઇફ સાથે હો છો, ઓલમોસ્ટ અડધી જિંદગી સાથે રહ્યાં છો અને એ પછી પણ તમે તેની ચરમસીમાની અનુભૂતિને જો પારખી ન શક્યા હો તો પાર્ટનર તરીકે આનાથી મોટી નિષ્ફળતા બીજી કોઈ કહી ન શકાય, પણ આપણા દેશની આ જ વાસ્તવિકતા છે. આજે પણ સેક્સ લાઇટ બંધ કરીને માણવાની જ પ્રક્રિયા રહી છે. એકબીજા સામે કપડાં ઊતરી શકે છે પણ શરમ અને સંકોચ ઉતારવામાં તકલીફ પડે છે. હશે, તમારા પ્રશ્નનો જવાબ આપું.
ઘણી વખત સ્ત્રીઓ માત્ર મુખમૈથુન કે ગુદામૈથુનથી જ સંતોષનો અનુભવ કરતી હોય છે, પણ આ વાત દરેક સ્ત્રીઓને લાગુ ન પડે. આપણે ત્યાં મોટા ભાગની સ્ત્રીઓ પેસિવ રોલ એટલે કે પુરુષ પાર્ટનર કહે એ પ્રકારના આસનને ફોલો કરી તે પોતાની ઇચ્છા વ્યક્ત કરવાનું ટાળે છે. સ્ત્રી અધૂરપમાં રહી છે કે નહીં કે પછી સ્ત્રી પરમસુખ પામી શકી કે નહીં એ જાણવાનો સૌથી સારો ઉપાય એ જ કે સંકોચ વિના તેને જ પૂછી લેવું કે તેને શું ગમે છે, કયા પ્રકારના મૈથુનનો આનંદ તે માણે છે? 
કોઈને માત્ર ચા જ ભાવે તો કોઈને માત્ર કૉફી જ ભાવે તો કોઈ એવું પણ હોય જેને ચા અને કૉફી બન્ને ચાલે અને બન્ને ભાવે. આ એટલી જ સામાન્ય બાબત છે. ચા અને કૉફીની પસંદગી જેવી જ આ પસંદગી છે. સારા-નરસાનો કે પછી ગમા-અણગમાનો પ્રશ્ન નથી. મજાની વાત છે અને મજા શેમાં આવી એ તો સાથ આપનારી વ્યક્તિ જ કહી શકે.


Whatsapp-channel Whatsapp-channel

16 June, 2021 12:10 PM IST | Mumbai | Dr. Mukul Choksi

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK