° °

આજનું ઇ-પેપર
Wednesday, 14 April, 2021

અનાયાસ સ્પર્શ પ્રેમનો હશે કે ખોટા ઇરાદાનો?

02 April, 2021 12:39 PM IST | Mumbai | Sejal Patel

પ્રેમની લાગણી હોય તો એમાં પહેલાં પરસ્પરને સમજવાની વાત હોય, ડાયરેક્ટ ટચ અને એ પણ અણછાજતો ટચ તો ન જ હોય

પ્રતીકાત્મક તસવીર

પ્રતીકાત્મક તસવીર

હું ૨૦ વર્ષની ખૂબ મધ્યમ વર્ગના પરિવારની યુવતી છું. હું ભણવામાં બહુ હોશિયાર નહોતી એટલે બ્યુટી પાર્લરનું કામ કરતી હતી. પાર્લરની જૉબ હમણાં છૂટી ગઈ છે એટલે બે મહિનાથી એક ગાર્મેન્ટ શૉપમાં કામે લાગી છું. અમારા સ્ટોરમાં લગભગ છ જણ કામ કરે છે. શૉપના માલિકનો દીકરો મારી સાથે બહુ સારી રીતે વાત કરે છે. ક્યારેક તો શૉપ પરથી ચાલીને સ્ટેશન જતી હોઉં તો તેની બાઇક પર મને મૂકવા પણ આવે. મને ખબર નથી તેના મનમાં શું છે, પણ તે વગરકારણે મને ટચ કરવાની કોશિશ કરતો હોય. બાઇક પર ખોટેખોટી બ્રેક મારે છે.  ક્યારેક તો કસ્ટમરની સામે જ મારા ખભે કે કમર પર હાથ મૂકી દે. શું તે મને લાઇક કરતો હશે એટલે આવું કરે છે કે પછી તે કોઈ ગેરફાયદો ઊઠાવવા માગતો હશે? તેના મનમાં મારા માટે ફીલિંગ્સ છે કે કેમ એ જાણવા શું કરવું?

તમે જે સવાલ પૂછ્યો છે એ પરથી એટલું સ્પષ્ટ છે કે તેને તમારા માટે ફીલિંગ્સ હોય કે ન હોય, તમને તેના માટે કૂણી લાગણી જરૂર છે. પ્રેમની લાગણી હોય તો એમાં પહેલાં પરસ્પરને સમજવાની વાત હોય, ડાયરેક્ટ ટચ અને એ પણ અણછાજતો ટચ તો ન જ હોય.

શેઠનો દીકરો છે એટલે તમને થોડુંક વધુ અટેન્શન મળતું હોય ત્યારે ગમતું હોય એ સ્વાભાવિક છે, પણ બહેન, આ પ્રોફેશનલ વર્લ્ડ છે એટલે સતર્ક રહેવું જરૂરી છે. ઇવન બૉયફ્રેન્ડ પણ હોય, જો તે તમને ન ગમે એ રીતે સ્પર્શ કરતો હોય તો એ તમારા માટે વૉર્નિંગ સાઇન હોવી જોઈએ. જ્યારે આ તો જસ્ટ બે મહિનાની ઓળખાણ છે અને એમાં કમર પર હાથ મૂકવા જેટલી ઘનિષ્ઠતા કોઈ બતાવે એ પચે એવી વાત નથી.

તમને તેના માટે ભલે ફીલિંગ્સ હોય, પણ તેના ઇરાદા વિશે જાણવું હોય તો જ્યારે પણ તે વ્યક્તિ તમને સ્પર્શ કરવાની કોશિશ કરે ત્યારે તમારો અણગમો ચહેરા પર જાહેર કરો. જો તેને ઇરાદો ઠીક-ઠાક હશે, તમને લાઇક કરતો હશે તો તમને ન ગમતી ચીજ કરતાં અચકાશે. જો તમારા અણગમા પછી પણ તે નજીક આવે અને અડપલાં કરવાનું ન છોડે તો તેના ઇરાદાઓ બાબતે તમારે સાવધ થવું જરૂરી છે.

02 April, 2021 12:39 PM IST | Mumbai | Sejal Patel

અન્ય લેખો

સેક્સ એન્ડ રિલેશનશિપ

હસબન્ડને સેક્સમાં સહેજ પણ રસ નથી પડતો, કારણ શું?

સેક્સ પ્રત્યે અરુચિ એટલે કે કામેચ્છાની ઊણપ

13 April, 2021 03:06 IST | Mumbai | Dr. Mukul Choksi
સેક્સ એન્ડ રિલેશનશિપ

મૅસ્ટરબેશનને લીધે પ્રાઇવેટ પાર્ટ નાનો થઈ જાય ખરો?

તમે તમારા પ્રાઇવેટ પાર્ટ પર ફોકસ કરશો એટલી વાર એમાં ઉત્તેજના નહીં આવે અને જેટલી વાર બેફિકર રહેશો એટલી વાર એ આપોઆપ ઉત્થાન દેખાડશે

12 April, 2021 03:59 IST | Mumbai | Dr. Mukul Choksi
સેક્સ એન્ડ રિલેશનશિપ

દીકરાને શાર્પ નહીં, સંવેદનશીલ બનાવવા શું કરવું?

કુદરતી વાતાવરણ આપમેળે વ્યક્તિની અંદરને સંવેદનાઓને જગાડવાનું કામ કરે છે

09 April, 2021 02:14 IST | Mumbai | Sejal Patel

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK