° °

આજનું ઇ-પેપર
Tuesday, 27 July, 2021


શા માટે છોકરીઓએ જ બૉડી-શેમિંગનો ભોગ બનવાનું?

18 June, 2021 02:30 PM IST | Mumbai | Sejal Patel

લોકો ટીકા કરે છે માટે મહત્ત્વ ન આપવું એવું નથી, પણ લોકો બહુ વખાણ કરીને આપણને માથે ચડાવતા હોય ત્યારે પણ એનાથી આપણામાં હવા ભરાવી ન જોઈએ

પ્રતીકાત્મક તસવીર

પ્રતીકાત્મક તસવીર

મારી ઉંમર ૨૦ વર્ષની છે અને હું જાડી હોવાથી લોકોની મજાક બનીને રહી ગઈ છું. આ કંઈ આજની વાત નથી, છેલ્લાં ચાર-પાંચ વર્ષથી આ જ હાલત છે. મારો ભાઈ હમણાં લૉકડાઉનમાં ફૅટ બૉલ જેવો થઈ ગયો છે, પણ કોઈ તેને વજન માટે કંઈ કહેતું નથી. પણ મને હંમેશાં ડાયટ કર, એક્સરસાઇઝ કર, કાઉચમાં બેસી ન રહે એવી ઇન્સ્ટ્રક્શનનો મારો સતત થયા જ કરે. ફ્રેન્ડ્સમાં પણ મારા વજનને મજાક બનાવવામાં આવે છે. શરૂઆતમાં હું રીઍક્ટ નહોતી કરતી ને જાતે જ મજાક પણ કરતી હતી, પણ હવે તો બૉય્ઝ પણ મને ચીડવે છે. પોતે ઢોલ જેવો બેડોળ હોય છતાં મને જાડી કહે છે. મારે આ બધાથી દૂર જતા રહેવું હતું પણ હાલના સંજોગોમાં એ પણ સંભવ નથી. એને કારણે જબરી ગૂંગળામણ થાય છે.

એ વાત સાચી કે ફિગર માટે છોકરીઓને જ વધુ કૉર્નર કરવામાં આવે છે. પણ શું કરીએ આ સોસાયટીનો નજરિયો છે. લોકોની દૃષ્ટિ કેમ બદલાતી નથી એ ફરિયાદ તમને દુખી કરવા સિવાય કોઈ પરિણામ નહીં આપે.

સોસાયટીના નજરિયાને બહુ મહત્ત્વ ન આપવું એ જ આપણી માનસિક શાંતિ માટે જરૂરી છે. લોકો ટીકા કરે છે માટે મહત્ત્વ ન આપવું એવું નથી, પણ લોકો બહુ વખાણ કરીને આપણને માથે ચડાવતા હોય ત્યારે પણ એનાથી આપણામાં હવા ભરાવી ન જોઈએ. ટૂંકમાં લોકો સારું બોલે કે ખરાબ, એને જસ્ટ એક કાનેથી સાંભળવું અને બીજા કાનેથી કાઢી નાખવું. આ બે ક્રિયાની વચ્ચે એક કામ અચૂક કરવું. જે સાંભળવા મળ્યું છે એ વાતમાં જો જરાક અમથું પણ તથ્ય હોય તો એ તથ્યનું સત્ય સ્વીકારીને એ મુજબ આપણા બનતા પ્રયત્નો કરવા.

વજન વધારે છે એવું કોઈ ટોક્યા કરે છે એ નથી ગમતું એવી ફરિયાદ કર્યા કરવાથી લોકોની આદત તો સુધરવાની છે જ નહીં. તો પછી આપણે આ સ્થિતિમાં શું બેસ્ટ કરી શકીએ? શરીરને પાતળું બનાવવા માટે નહીં, હેલ્ધી બનાવવા માટે જરૂરી જેકાંઈ પર થાય એ કરી છૂટવું. બાકી દુનિયાને જે કહેવું હોય એ કહે, કોઈના મોંએ તાળાં લગાવી શકાતાં નથી. પણ હા, આપણી માનસિક શાંતિની ચાવી તેમના હાથમાંથી આપણે જાતે લઈ લેવી બહુ જ જરૂરી છે.

18 June, 2021 02:30 PM IST | Mumbai | Sejal Patel

અન્ય લેખો

સેક્સ એન્ડ રિલેશનશિપ

બાળકો જોઈતાં નથી, કૉન્ડોમ વાપરવાં નથી. કોઈ રસ્તો છે?

જો બાળક ન ઇચ્છતા હો તો સેફ્ટીનું ધ્યાન રાખવામાં આવે એ જરૂરી છે. અફકોર્સ, પ્રેગ્નન્સી રહે તો પણ ક્યુરેટિન જેવા રસ્તાઓ તો છે જ.

26 July, 2021 11:41 IST | Mumbai | Dr. Mukul Choksi
સેક્સ એન્ડ રિલેશનશિપ

પેરન્ટ્સ મને કોઈ વાતનું પ્રોત્સાહન નથી આપતા

જીવનમાં સરખામણી ન કરવી જોઈએ પણ થઈ જાય તો શું કરવું?

23 July, 2021 12:36 IST | Mumbai | Sejal Patel
સેક્સ એન્ડ રિલેશનશિપ

સ્ટેન્ટ મુકાવ્યું છે ત્યારે સેક્સ લાઇફને હેલ્ધી બનાવવા શું કરવું ?

ગયા વર્ષે એન્જિયોપ્લાસ્ટી કરાવી સ્ટેન્ટ મુકાવ્યું એટલે હાર્ટઅટૅક ન આવે એ માટે સેક્સની કોઈ દવા નથી લેતો, બ્લડપ્રેશર પણ છે અને મનમાં એકધારા સેક્સના વિચારો પણ ચાલે છે, પણ સેક્સ લાઇફ હેલ્ધી નથી.

21 July, 2021 03:54 IST | Mumbai | Dr. Mukul Choksi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK