° °

આજનું ઇ-પેપર
Thursday, 19 May, 2022


નવાં-નવાં લગ્ન છે, પણ હસબન્ડ તેની મમ્મીની કૅરમાંથી ઊંચા નથી આવતા

07 January, 2022 04:18 PM IST | Mumbai
Sejal Patel | sejal@mid-day.com

દિવસે તે મને બહાર લઈ જાય કે રૂમમાં સાથે હોય ત્યારે પણ તેની વાતમાં મમ્મી જ હોય છે. લાગે છે કે અમારી વચ્ચે લવમૅરેજ થયાં જ નથી. 

પ્રતીકાત્મક તસવીર

પ્રતીકાત્મક તસવીર

 હું હજી માંડ ૨૧ની થઈશ એટલે મારા પેરન્ટ્સનો સપોર્ટ નહોતો. છતાં અમે ભાગીને લગ્ન કર્યાં. તેના પેરન્ટ્સે અમને બહુ સહજતાથી અપનાવી લીધેલાં. જોકે એને કારણે મારા હસબન્ડને પોતાની મમ્મી માટે બહુ સૉફ્ટ કૉર્નર છે. એક મહિના પહેલાં મારાં સાસુને કૅન્સર થયાનું નિદાન થયું છે અને હાલમાં ટ્રીટમેન્ટ ચાલે છે. સમસ્યા એ છે કે મારા હસબન્ડને હવે મમ્મી સિવાય કોઈ દેખાતું જ નથી. તે રાતે પણ મમ્મીના રૂમમાં જ સૂએ છે. મારા સસરા પણ ઉંમરલાયક હોવાથી બહુ કામકાજમાં મદદગાર થાય એમ નથી. હજી લગ્નને પાંચ મહિના થયા છે ત્યારે મને તેની સાથે ટાઇમ સ્પેન્ડ કરવાનું કેટલું મન થતું હશે? તેની સાથે ચોખ્ખી વાત કરી તો કહે છે આપણે દિવસમાં એકાંતનો સમય એન્જૉય કરી લઈશું. દિવસે તે મને બહાર લઈ જાય કે રૂમમાં સાથે હોય ત્યારે પણ તેની વાતમાં મમ્મી જ હોય છે. લાગે છે કે અમારી વચ્ચે લવમૅરેજ થયાં જ નથી. 

એકવીસ વર્ષની ઉંમરે ભાગીને લગ્ન કર્યાં હોય ત્યારે તમારા પતિ પાસેથી તમને રોમૅન્ટિક હોલિડે અને રોમૅન્સની અપેક્ષા હોય એ સ્વાભાવિક છે. તમે નસીબદાર છો કે તમને મનગમતો પરિવાર મળ્યો છે. પણ જીવન હંમેશાં આપણી ઇચ્છા મુજબ નથી ચાલતું. 
કહેવાય છે કે કૅન્સર જેવો રોગ ભગવાન દુશ્મનને પણ ન આપે. આ રોગ જીવનમાં એટલી બધી તકલીફો અને અનિશ્ચિતતાઓ લઈને આવે છે કે દરદી જ નહીં, દરદીનો આખો પરિવાર હલબલી જાય. બની શકે કે તમને સાસુમા સાથે હજી ખાસ અટૅચમેન્ટ નહીં હોય. ન કરે નારાયણ, પણ જસ્ટ વિચારો કે તમારા પોતાના પેરન્ટ્સ આવી સ્થિતિમાં મુકાયા હોય તો તમે શું કરો?
હા, કદાચ તમને એવું લાગતું હશે કે હસબન્ડ તો માવડિયો છે. પણ એવું નથી. તે જવાબદાર દીકરો છે. પ્રિયજન દુખમાં હોય ત્યારે પોતાનું સુખ ભૂલીને તેને મદદ એ જ વ્યક્તિ કરી શકે જે દિલથી ખૂબ કૅરિંગ, રિસ્પોન્સિબલ અને લાગણીશીલ હોય. તમારા હસબન્ડ જે કરે છે એ બતાવે છે કે તમે સેફ છો. જીવનમાં તમે જો કોઈ તકલીફમાં આવશો તો એ તમારી પડખે પણ આટલા જ પ્રેમથી ઊભા રહેશે. 

07 January, 2022 04:18 PM IST | Mumbai | Sejal Patel

અન્ય લેખો

સેક્સ એન્ડ રિલેશનશિપ

હસ્તમૈથુનની આદત બહુ હોવાથી પ્રોસ્ટેટ થયું હોય એવું બને?

હસ્તમૈથુનનું પ્રમાણ વધી ગયું હોવાથી પ્રોસ્ટેટની સમસ્યા પણ સતાવે છે અને વારંવાર પેશાબ લાગ્યા કરે છે. શું આ બે વચ્ચે કોઈ સંબંધ છે? શું હું હસ્તમૈથુન ખૂબ કરું છું એને કારણે આવું થયું હશે? 

18 May, 2022 12:03 IST | Mumbai | Dr. Mukul Choksi
સેક્સ એન્ડ રિલેશનશિપ

ફોરપ્લે દરમ્યાન પતિ બચકાં ભરવા લાગે છે

બ્રેસ્ટ્સ તેમ જ શરીરના અમુક ભાગ પર જાંબલી ઝામાં પડી જાય કે દુખાવો થાય ત્યારે બ્રેસ્ટ-કૅન્સર કે સ્કિન-કૅન્સરની શક્યતા છે?

17 May, 2022 11:00 IST | Mumbai | Dr. Mukul Choksi
સેક્સ એન્ડ રિલેશનશિપ

મૅરેજનાં દસ વર્ષ પછી પણ વાઇફને સેક્સમાં પાપ દેખાય છે

ક્યારેક મૂડમાં હોય અને અમે સરસ સમય વિતાવીએ તો એ પછી તેને મનમાં એમ લાગે છે કે કંઈક ખોટું કર્યું છે અને હવે આવું ફરી નહીં કરે.

16 May, 2022 01:06 IST | Mumbai | Dr. Mukul Choksi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK