° °

આજનું ઇ-પેપર
Monday, 08 August, 2022


બૉયફ્રેન્ડ ભાગી જવાનું કહે છે, પણ મન ખટકે છે

01 July, 2022 09:34 PM IST | Mumbai
Sejal Patel | sejal@mid-day.com

સાત મહિના થયાં અમારી રિલેશનશિપને અને હવે તેની ઑફિસમાંથી ટ્રાન્સફર થઈ રહી છે. અમારે જુદા નથી જ થવું અને જો તે બીજા શહેરમાં શિફ્ટ થઈ જશે તો મળવાનું ઘટી જશે. તે તો તરત જ લગ્ન કરી લેવા તૈયાર છે, પણ મારી ફૅમિલીમાંથી એની પરવાનગી નહીં મળે.

પ્રતીકાત્મક તસવીર સૌજન્ય આઇસ્ટૉક સવાલ સેજલને

પ્રતીકાત્મક તસવીર સૌજન્ય આઇસ્ટૉક

કૉલેજના સેકન્ડ યરમાં ભણું છું અને બૉયફ્રેન્ડ મારાથી છ વર્ષ મોટો છે. તેની સાથે મારો ઇન્ટ્રો પણ કૉલેજની બહારના ફૂડ સ્ટૉલ પર થયો હતો. તે મુંબઈમાં એકલો રહેતો હોવાથી અવારનવાર એ સ્ટૉલ પર મળવાનું થતું. ત્યાં દોસ્તી થઈ અને પછી તો હું ટિફિન લઈ જતી અને અમે બન્ને સાથે જમતાં. સાત મહિના થયાં અમારી રિલેશનશિપને અને હવે તેની ઑફિસમાંથી ટ્રાન્સફર થઈ રહી છે. અમારે જુદા નથી જ થવું અને જો તે બીજા શહેરમાં શિફ્ટ થઈ જશે તો મળવાનું ઘટી જશે. તે તો તરત જ લગ્ન કરી લેવા તૈયાર છે, પણ મારી ફૅમિલીમાંથી એની પરવાનગી નહીં મળે. હું ડિસ્ટર્બ રહેતી હોવાથી તેણે ભાગીને લગ્ન કરી લેવાનો ઑપ્શન આપ્યો છે અને તેની નવી ઑફિસની જગ્યાએ સેટલ થઈ જઈશું અને ત્યાં જ મારું ભણવાનું પૂરું કરીશું એવું વિચારીએ છીએ. ત્યાંની કૉલેજમાં તપાસ શરૂ કરી દીધી છે. પણ કહ્યા વિના જતા રહેવું મને ખટકે છે.

તમારી ઉંમરે દિલ કંઈક કહે અને દિમાગ બીજું કંઈક કહેતું હોય ત્યારે પોતાની જાતે નિર્ણય લેવાને બદલે તમારા માટે જે ગાર્ડિયન જેવા ગણાતા હોય એવા કોઈ વ્યક્તિની વાત સાંભળવી જોઈએ. તમે કૉલેજના સેકન્ડ યરમાં છો એટલે ૧૯-૨૦ વર્ષની ઉંમર હશે. સાત મહિનાની દોસ્તી માટે તમે તમને વીસ વર્ષનાં કર્યાં એ માબાપથી છૂપું પગલું લેવાનું વિચારો છો. શું આ વાત તમને ઠીક લાગે છે? પેરન્ટ્સ ના પાડશે એવી બીકે તેમને પૂછ્યા વિના જ મનમાની કરી લેવી એ નરી બાલિશતા છે, એમાં જરાય પરિપક્વતા નથી. 
બીજા શહેરમાં પેલો યુવક હશે તો મળી નહીં શકાય, પણ દોસ્તી નહીં રાખી શકાય એવું જરાય નથી. નવું-નવું આકર્ષણ થયું હોય ત્યારે વિરહની કલ્પના તમને બાવરા બનાવી દે એ સ્વાભાવિક છે, પણ જો એ સાચો પ્રેમ હોય તો તમે રાહ જોતાં શીખશો. કેમ કે પ્રેમ ધીરજ રાખી શકે છે, બેબાકળા બનીને આંધળુકિયા કરવા પ્રેરે એ પ્રેમ નથી. તમારે હજી તમારા જીવનની બાગડોર પોતાના હાથમાં લેતાં શીખવાની છે. તમે પગભર થાઓ એ પહેલાં જ જીવનની દોર બીજી વ્યક્તિના હાથમાં સોંપી દેવાની જરૂર નથી. આર્થિક પગભરતા કેળવો ત્યારે એ તમને જીવનમાં અનેક રીતે પરિપક્વ બનાવવાનું કામ કરે છે. આ મૅચ્યોરિટી જીવન જીવવા માટે બહુ જરૂરી છે. 

01 July, 2022 09:34 PM IST | Mumbai | Sejal Patel

અન્ય લેખો

સેક્સ એન્ડ રિલેશનશિપ

નાના બ્રેસ્ટ ધરાવતી છોકરીઓ સેક્સમાં નીરસ હોય એ સાચું?

કૉલેજમાં મારી ગર્લફ્રેન્ડ્સ હતી, તેમના બ્રેસ્ટ્સ નાના હતા અને તેમને પણ ક્યારેય કિસથી આગળ જવામાં રસ નહોતો પડતો. પ્લીઝ, મને કહેશો કે એક્સાઇટિંગ સેક્સલાઇફ જોઈતી હોય તો બ્રેસ્ટની સાઇઝ કેટલી અગત્યની?

08 August, 2022 01:45 IST | Mumbai | Dr. Mukul Choksi
સેક્સ એન્ડ રિલેશનશિપ

નોકરી વખતે કેટલું નેગોશિએટ કરવું જેથી વાત તણાઈને તૂટે નહીં?

તમને તમારા કામ પર કેટલો કૉન્ફિડન્સ છે એના આધારે પૅકેજ માટે ચર્ચા કરવી જોઈએ. બની શકે કે પેલી અમેરિકાના કલ્ચરની વાત કરતી હોય, ભારતમાં એવું સંભવ ન હોય એવું બની શકે?

05 August, 2022 07:37 IST | Mumbai | Sejal Patel
સેક્સ એન્ડ રિલેશનશિપ

મોટાભાગે પુરુષો ગર્લફ્રેન્ડ અને પત્ની સામે ચલાવે છે આ 8 જૂઠ્ઠાણાં

અનેક કેસમાં લોકો ભૂલ છુપાવવા માટે સામી વ્યક્તિને ખોટું બોલે છે. કેટલાક લોકો તો એવા પણ હોય છે જે કોઈપણ કારણ વગર ખોટું બોલી દેતા હોય છે.

05 August, 2022 05:40 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK