° °

આજનું ઇ-પેપર
Thursday, 08 December, 2022


પતિને સહેજ ખોટું લાગે તો અબોલા લઈ લે છે

30 September, 2022 04:34 PM IST | Mumbai
Sejal Patel | sejal@mid-day.com

તમારા પતિ ઇન્ટ્રોવર્ટ હોવાથી કદાચ પોતાની નારાજગીની લાગણીને વ્યક્ત કરવા માટે અબોલા લઈ લેતા હશે

પ્રતીકાત્મક તસવીર (સૌજન્ય : આઇસ્ટૉક) સવાલ સેજલને

પ્રતીકાત્મક તસવીર (સૌજન્ય : આઇસ્ટૉક)

મારાં અરેન્જ્ડ મૅરેજ થયાં છે અને ગુજરાતથી પરણીને હું મુંબઈ આવી છું. અહીંના કલ્ચરથી યુઝ્ડ ટુ થતાં મને થોડીક વાર લાગી રહી છે. એને કારણે મારાથી આએદિન કંઈક ભૂલ તો થાય જ. હું બહુ બોલકી છું જ્યારે હસબન્ડ બહુ રિઝર્વ્ડ પર્સનાલિટીના છે. તેમને કંઈક ખરાબ લાગી જાય તો લિટરલી રિસાઈ ગયા હોય. મોં ફુલાવીને અબોલા લઈ લે. ક્યારેક તો ગુસ્સો એટલો ભરેલો હોય તેમનામાં કે વાત કરવા જતાં પણ ડર લાગે. એક-બે દિવસ અબોલા ચાલે ને પાછા હતું એનું એ થઈ જાય. હજી લગ્નને છ જ મહિના થયા છે, પણ અમારી વચ્ચે આ જે અકળામણ વખતે અબોલા લેવાનો જે શિરસ્તો પડી ગયો છે એ બહુ અકળાવનારો છે. જો ભૂલથી પણ હું તેમને પૂછી લઉં કે પેલા દિવસે કેમ અકળાયેલા? મારાથી શું ભૂલ થઈ? તો મોટા ભાગે તેઓ વાત ઉડાડી દે છે. મને સમજાતું નથી કે આવું દરેક કપલમાં થતું હશે કે અમારી વચ્ચે કંઈક ઍબ્નૉર્મલ છે?

લડવું, ઝઘડવું, રિસાવું-મનાવવું આ બધું અંતરંગ સંબંધના વિવિધ પાસાંઓ જ છે. ધારો કે કોઈ કપલ કહે કે તેમના દાંમ્પત્યજીવનમાં ક્યારેય ઝઘડો કે રિસામણા નથી થયાં તો એ સરાસર દંભ હશે. એટલે સૌથી પહેલાં તો પતિ સાથેની આ નોંકઝોંકને મનમાં નાહકનું મોટું સ્વરૂપ આપીને પૅનિક ન થાઓ. 

બીજી વાત, લગ્નસંબંધમાં કમ્યુનિકેશન બહુ જ જરૂરી છે. એકબીજા પાસેથી તમે શું અપેક્ષાઓ રાખો છો એ બાબતે સંવાદ સધાય એ જરૂરી છે. તમારા પતિ ઇન્ટ્રોવર્ટ હોવાથી કદાચ પોતાની નારાજગીની લાગણીને વ્યક્ત કરવા માટે અબોલા લઈ લેતા હશે. એમાં કંઈ ખોટું નથી. જ્યારે ગુસ્સો હોય, અકળામણ હોય ત્યારે થોડીક વાર મૌન લઈ લેવું એ સારી જ વાત છે, પણ જો એ ગુસ્સો અપાવનારી ઘટના બાબતે પેટછૂટી વાત કરીને એને સ્પષ્ટ ન કરી લેવામાં આવે તો એ ઠીક નથી. ગમા-અણગમાને અન્ડર ધ કાર્પેટ સંઘરી રાખવાથી ક્યારેક એનું પ્રેશર એટલું વધી જાય કે એ બૉમ્બ બ્લાસ્ટની જેમ ફાટી ઊઠે. એના બદલે નાની-નાની ગાંઠોને એ જ વખતે ઉકેલી લેવામાં આવે તો સંબંધોની ડોર વધુ મજબૂત થાય છે. 

પતિને અબોલા લેવાથી રોકવાની જરૂર નથી, પણ જે કારણોસર અબોલા લેવાનું તેને મન થયું છે એ વાતને ખુલ્લા મને ડિસ્કસ કરીને એનો ઉકેલ લાવવાનો પ્રયાસ કરવાની જરૂર છે. 

30 September, 2022 04:34 PM IST | Mumbai | Sejal Patel

અન્ય લેખો

સેક્સ એન્ડ રિલેશનશિપ

ગુદામૈથુનની આદત છે, પણ એ કૉન્ડોમ વિના ના પાડે છે તો શું કરવું?

ગુદામૈથુન વખતે તે મારી પાસે પરાણે કૉન્ડોમનો ઉપયોગ કરાવે છે. તેની એવી દલીલ હોય છે કે કૉન્ડોમ વિના ગુદામૈથુન કરીએ તો એઇડ્સ થવાની શક્યતા રહે છે, એવું હોય કે પછી તે ખોટી દલીલ કરે છે,

07 December, 2022 02:46 IST | Mumbai | Dr. Mukul Choksi
સેક્સ એન્ડ રિલેશનશિપ

ક્યુરેટિન પછી બીજી પ્રેગ્નન્સીમાં પ્રૉબ્લેમ થાય છે, શું કરીએ?

પ્રેગ્નન્સી ન રહેવા પાછળ સ્ટ્રેસ પણ કારણભૂત હોઈ શકે છે

06 December, 2022 04:15 IST | Mumbai | Dr. Mukul Choksi
સેક્સ એન્ડ રિલેશનશિપ

મૅસ્ટરબેશનથી પેનિસ પરની સ્કિનમાં કાપા પડી જાય છે

નાહતી વખતે કોપરેલનાં બે-ત્રણ ટીપાં નાખી હળવા હાથે માલિશ કરીને સ્કિન પાછળ લેવાની કોશિશ કરશો તો કદાચ સફળતા પ્રાપ્ત કરી શકશો

05 December, 2022 03:25 IST | Mumbai | Dr. Mukul Choksi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK