જો તમે તમારી નૅચરલ ઇન્સ્ટિન્ક્ટને સમજો તો કોઈને મૅસ્ટરબેશન કરતાં શીખવવું પડતું નથી
પ્રતીકાત્મક તસવીર
મારી ઉંમર ૨૬ વર્ષની છે અને અનમૅરિડ છું. કૉલેજમાં હતો ત્યારે મને મૅસ્ટરબેશનની આદત પડેલી. હમણાં લૉકડાઉનમાં પ્રાઇવસી પણ પુષ્કળ મળી. મારા જે ફ્રેન્ડ્સ પાસેથી હું મૅસ્ટરબેશન શીખ્યો તેમણે જ મને પૉર્ન-ક્લિપ જોતાં શીખવ્યું, જે મારી આદત બની ગઈ. ઑલમોસ્ટ રોજ મૅસ્ટરબેશન કરું, પણ ચાર-પાંચ મિનિટમાં જ ઇજેક્યુલેશન થઈ જાય છે. બીજો પ્રૉબ્લેમ એ થયો છે કે હવે મને લગભગ દરેક વખતે પૉર્નોગ્રાફી જોવાની આદત પડી ગઈ છે. બીજા ફ્રેન્ડ્સને એની જરૂર નથી પડતી. તેમનું કહેવું છે કે મને કદાચ આવડતું નથી એટલે આમ થાય છે.
મલાડના રહેવાસી
ADVERTISEMENT
લાઇફમાં એકમાત્ર સેક્સ્યુઅલ રિલેશનશિપ એવી છે જે કોઈએ ક્યારેય કોઈને શીખવવી નથી પડતી. ભાગ્યે જ કોઈના ગાઇડન્સની જરૂર પડતી હોય છે. જો તમે તમારી નૅચરલ ઇન્સ્ટિન્ક્ટને સમજો તો કોઈને મૅસ્ટરબેશન કરતાં શીખવવું પડતું નથી. હા, ફ્રેન્ડ્સ થકી એની ખબર પડી હોય એવું બની શકે. નાછૂટકે કહેવું પડે છે કે તમે જાત પર ભરોસો રાખવાને બદલે દોસ્તો પર વધુ ભરોસો રાખો છો એવું લાગે છે.
સામાન્ય રીતે પૉર્નોગ્રાફીનાં ઉત્તેજક દૃશ્યોને કારણે ઉત્તેજનાનું પ્રમાણ વધે છે અને લોહીનું ભ્રમણ પણ વધતાં ઝડપથી સ્ખલન થઈ જવાની શક્યતાઓ વધે છે. બીજું, પૉર્નોગ્રાફી જોતી વખતે કંઈક ખોટું કરી રહ્યા હોવાની ગિલ્ટ ફીલ સતત મનમાં રહે છે, જેને લીધે શરમજનક સ્થિતિમાં મુકાવું પડશે એવી ઍન્ગ્ઝાયટીની આડઅસરરૂપે ઝડપથી સ્ખલન થઈ જાય અને એવું વારંવાર બનવાથી એની સીધી નેગેટિવ અસર કૉન્ફિડન્સ પર પડે છે.
તમારી કોઈ ફરિયાદ એવી નથી જેમાં તમને પૉર્નોગ્રાફીનો સહારો લેવો પડે. એકાદ-બે દિવસ કદાચ ઇરેક્શન જોવા નહીં મળે, પણ એ પછી નૉર્મલ વે પર જોવા મળશે. બીજું, ફ્રી છીએ એટલે ચાલો મૅસ્ટરબેશન કરીએ એવું ન હોય. જ્યારે એક્સાઇટમેન્ટ લેવલ બહુ હાઈ હોય ત્યારે જ એ દિશામાં જાઓ. મૅસ્ટરબેશન વખતે તમને લાગે કે હવે ચરમસીમા આવી છે તો એની થોડી સેકન્ડ પહેલાં હસ્તમૈથુન અટકાવી દેવું. એ પછી થોડી વાર એમ જ બેસવું અને એ પછી ફરીથી હસ્તમૈથુન આગળ ધપાવવું. આમ કરવાથી તમારો સ્ખલન પર કાબૂ વધશે અને કૉન્ફિડન્સ પણ પાછો આવશે.
