° °

આજનું ઇ-પેપર
Monday, 08 August, 2022


શું નસબંધીથી અંગત લાઇફ ખતમ થઈ જાય?

28 June, 2022 02:11 PM IST | Mumbai
Dr. Mukul Choksi | askgmd@mid-day.com

જ્યાં સુધી ફૅમિલી પ્લાનિંગનો નિવેડો ન આવે ત્યાં સુધી ફિઝિકલ નહીં થવાનું અમે નક્કી કર્યું છે. તેમને ડર એ છે કે નસબંધી કરાવ્યા પછી નપુંસક થઈ જશે. શું આ સાચું છે? બીજો કોઈ શ્રેષ્ઠ વિકલ્પ છે? 

પ્રતીકાત્મક તસવીર સૌજન્ય આઇસ્ટૉક

પ્રતીકાત્મક તસવીર સૌજન્ય આઇસ્ટૉક

અમારાં મૅરેજને બાર વર્ષ થયાં છે. બે સંતાનો છે અને હવે પરિવાર વધુ આગળ વધારવા નથી માગતા. થોડા મહિના પહેલાં અનિચ્છાએ પ્રેગ્નન્સી રહેતાં અબૉર્શન કરાવવું પડેલું. કાયમી ફૅમિલી પ્લાનિંગમાં મને રોજેરોજ કૉન્ટ્રાસેપ્શન ટૅબ્લેટ્સ લેવાનું જોખમી લાગે છે. હસબન્ડને હું વૅસેક્ટોમી કરાવી લેવા સમજાવું છું, પણ તેમને લાગે છે કે એ પછી તેમની સેક્સલાઇફ ખતમ થઈ જશે. મને પ્રેગ્નન્સીનો ડર લાગે છે અને તેમને નથી કૉન્ડોમ યુઝ કરવું કે પછી વૅસેક્ટોમી કરાવવી. જ્યાં સુધી ફૅમિલી પ્લાનિંગનો નિવેડો ન આવે ત્યાં સુધી ફિઝિકલ નહીં થવાનું અમે નક્કી કર્યું છે. તેમને ડર એ છે કે નસબંધી કરાવ્યા પછી નપુંસક થઈ જશે. શું આ સાચું છે? બીજો કોઈ શ્રેષ્ઠ વિકલ્પ છે? 
કાંદિવલી

વૅસેક્ટોમી એટલે કે નસબંધી કરાવવા માત્રથી વ્યક્તિની સેક્સ્યુઅલ ડિઝાયર કે કામશક્તિ ઘટી જાય એવું નથી હોતું. આ બાબતે સર્જરી પહેલાં જેવી જ સ્થિતિ રહે છે. ઈવન સીમૅનની ક્વૉન્ટિટી પણ લગભગ સરખી જ રહે છે. આ પ્રક્રિયાથી શરીરની હૉર્મોન-વ્યવસ્થામાં પણ કોઈ ફરક પડતો નથી એટલે કામેચ્છા પણ યથાવત્ જ રહે છે. એટલે એ માનવું ભૂલભરેલું છે કે નસબંધી કરાવવાથી નપુંસકતા આવે છે. આ વાતમાં કોઈ તર્કસંગતતા નથી, માત્ર ને માત્ર ભ્રમ છે. વૅસેક્ટોમી હકીકતમાં તો પુરુષોના સ્ટરિલાઇઝેશનની પ્રક્રિયા છે. એમાં માત્ર સ્પર્મનું વહન કરતી નળીને સીમૅનમાં ભળી ન શકે એ રીતે બ્લૉક કરી દેવામાં આવે છે. 
આ સર્જરી ખૂબ જ સરળ અને અસરકારક છે એટલે તમારા પતિને આ સર્જરી માટે ન માનવા પાછળ કોઈ કારણ નથી. એમ છતાં જો તેમને મનથી એ મંજૂર ન હોય તો પરાણે કોઈ વિચાર લાદવો ન જોઈએ. ફૅમિલી પ્લાનિંગ માટે તમે હંમેશાં કૉન્ડોમનો ઉપયોગ કરવાનું રાખો એ પણ એટલું જ અસરકારક રહેશે. જોકે યાદ રહે કે હંમેશાં એનો ઉપયોગ થવો જોઈએ. તમે કહો છો કે તમારા હસબન્ડને એના વપરાશથી પણ પરેજ છે. આ પરેજનું કારણ જાણવું જોઈએ. છેલ્લા એક દશકમાં કૉન્ડોમનાં લેવલ પર પણ ઘણાં ઇનોવેશન થયાં છે એટલે બને કે લેટેસ્ટ કૉન્ડોમના વપરાશમાં તેમને કોઈ તકલીફ ન પડે. કૉન્ડોમ સેફ-સેક્સ માટેનો બેસ્ટ ઑપ્શન છે. જો તમને ફીમૅલ કૉન્ડોમ ફાવે તો તમે એ પણ વાપરી શકો છો.

28 June, 2022 02:11 PM IST | Mumbai | Dr. Mukul Choksi

અન્ય લેખો

સેક્સ એન્ડ રિલેશનશિપ

નાના બ્રેસ્ટ ધરાવતી છોકરીઓ સેક્સમાં નીરસ હોય એ સાચું?

કૉલેજમાં મારી ગર્લફ્રેન્ડ્સ હતી, તેમના બ્રેસ્ટ્સ નાના હતા અને તેમને પણ ક્યારેય કિસથી આગળ જવામાં રસ નહોતો પડતો. પ્લીઝ, મને કહેશો કે એક્સાઇટિંગ સેક્સલાઇફ જોઈતી હોય તો બ્રેસ્ટની સાઇઝ કેટલી અગત્યની?

08 August, 2022 01:45 IST | Mumbai | Dr. Mukul Choksi
સેક્સ એન્ડ રિલેશનશિપ

નોકરી વખતે કેટલું નેગોશિએટ કરવું જેથી વાત તણાઈને તૂટે નહીં?

તમને તમારા કામ પર કેટલો કૉન્ફિડન્સ છે એના આધારે પૅકેજ માટે ચર્ચા કરવી જોઈએ. બની શકે કે પેલી અમેરિકાના કલ્ચરની વાત કરતી હોય, ભારતમાં એવું સંભવ ન હોય એવું બની શકે?

05 August, 2022 07:37 IST | Mumbai | Sejal Patel
સેક્સ એન્ડ રિલેશનશિપ

મોટાભાગે પુરુષો ગર્લફ્રેન્ડ અને પત્ની સામે ચલાવે છે આ 8 જૂઠ્ઠાણાં

અનેક કેસમાં લોકો ભૂલ છુપાવવા માટે સામી વ્યક્તિને ખોટું બોલે છે. કેટલાક લોકો તો એવા પણ હોય છે જે કોઈપણ કારણ વગર ખોટું બોલી દેતા હોય છે.

05 August, 2022 05:40 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK