° °

આજનું ઇ-પેપર
Monday, 04 July, 2022


પાણી વધુ પીવાથી કિડની ડિસીઝમાં ફરક પડશે?

23 May, 2022 07:54 PM IST | Mumbai
Dr. Bharat Shah | askgmd@mid-day.com

કિડનીના પ્રૉબ્લેમમાં પાણી ઉપયોગી છે, પરંતુ એ સ્ટોન જેવી સમસ્યામાં અથવા તો યુરિન ઇન્ફેક્શન થયું હોય તો ઉપયોગી બને છે

પ્રતીકાત્મક તસવીર

પ્રતીકાત્મક તસવીર

હું ૫૮ વર્ષનો છું અને મને ક્રોનિક કિડની ડિસીઝ છેલ્લાં ચાર વર્ષથી છે. દવાઓ ચાલુ છે. હવે ડૉક્ટર કહે છે કે ડાયાલિસિસ શરૂ કરવું જ પડશે. આજકાલ સોજા વધુ રહેવા લાગ્યા છે. બધા કહે છે કે ખૂબ પાણી પીઉં તો કિડની ઠીક થઈ જશે અને ડાયાલિસિસની જરૂર નહીં પડે. જ્યારથી મને કિડની ડિસીઝ થયો છે ત્યારથી પાણીનો ઇન્ટેક વધાર્યો હોવા છતાં રોગ વધતો જ જાય છે. હું દિવસમાં ત્રણ લિટર પાણી પીઉં છું.  
   
કિડનીના પ્રૉબ્લેમમાં પાણી ઉપયોગી છે, પરંતુ એ સ્ટોન જેવી સમસ્યામાં અથવા તો યુરિન ઇન્ફેક્શન થયું હોય તો ઉપયોગી બને છે. ક્રોનિક કિડની ડિસીઝમાં નહીં. દુનિયાભરમાં કિડની સંબંધિત પ્રશ્નો માટે લોકોને લાગે છે કે પાણી જ એકમાત્ર ઉપાય છે. દવાઓ લેવાની સાથે પણ લોકો એમ સમજે છે કે પાણી વધુ પીવાથી કિડનીની પરિસ્થિતિમાં ઘણો ફાયદો થશે. તમે ડાયાલિસિસ સુધી પહોંચી ગયા છો. જ્યારે કિડનીનો પ્રૉબ્લેમ વધી જાય એટલે કે ત્રીજા-ચોથા સ્ટેજમાં પહોંચી જાય એ પછી પાણીની અસર કિડની પર ખાસ થતી નથી. ઊલટું એ નુકસાન કરી શકે છે. 
હકીકત એ છે કે જેને ક્રોનિક કિડની ડિસીઝ હોય કે જેની કિડની અસરગ્રસ્ત થઈ હોય તેણે ઓછું પાણી પીવું જોઈએ. એક હેલ્ધી વ્યક્તિએ તેની કિડની ઠીક રહે એ માટે અઢીથી ત્રણ લિટર પાણી જ પીવું જોઈએ. એનાથી વધુ પાણી પીવાની જરૂર નથી. કિડની જ્યારે ખરાબ થઈ ગઈ હોય ત્યારે તો ખાસ વધુ પડતું પાણી ફાયદાને બદલે નુકસાન કરે છે, કારણ કે કિડની બરાબર કામ કરતી નથી જેને લીધે પાણી શરીરની બહાર ફેંકાતું નથી. પાણી શરીરમાં ભરાતું રહે તો શરીરને નુકસાન થવાનું જ છે. મોટા ભાગે ક્રોનિક કિડની ડિસીઝમાં પાણી વધુ પીઓ તો એ દરદીઓનાં ફેફસાંમાં પાણી ભરાતું જાય છે. આ એક ગંભીર સમસ્યા બની શકે છે. તમારે દિવસમાં કેટલું પાણી પીવું જોઈએ એ તમારા ડૉક્ટરને પૂછો. કિડનીની પરિસ્થિતિ મુજબ તમને માર્ગદર્શન આપશે. તમે અત્યારે બીમારીના એ સ્ટેજ પર છો જેમાં કોઈ પણ ઘરગથ્થુ ઉપચાર કામ લાગશે નહીં. ડાયાલિસિસ કરાવો અને વહેલાસર શક્ય હોય તો કિડની ટ્રાન્સપ્લાન્ટ કરાવો, કારણ કે ક્રોનિક કિડની ડિસીઝ જ્યારે ઍડ્વાન્સ સ્ટેજ પર હોય ત્યારે કિડની ટ્રાન્સપ્લાન્ટ જ એકમાત્ર કાયમી ઉપાય છે. 

23 May, 2022 07:54 PM IST | Mumbai | Dr. Bharat Shah

અન્ય લેખો

હેલ્થ ટિપ્સ

તાવ ન ઊતરે તો કેટલા દિવસ રાહ જોવાની?

હું તેને દર વખતે જે પૅરાસિટામૉલ આપું છું એ જ આ વખતે પણ આપી, પણ તેના પર દવા કેમ કામ કરતી નથી? શું તેને કોવિડ હશે?

01 July, 2022 09:42 IST | Mumbai | Dr. Pankaj Parekh
હેલ્થ ટિપ્સ

પતિને ફરીથી કોવિડ થયો છે ત્યારે શું ધ્યાન રાખવું?

મારા પતિ ૬૮ વર્ષના છે અને તેમને દોઢ વર્ષ પહેલાં કોવિડ થયો હતો ત્યારે હૉસ્પિટલમાં તેઓ ૨૦ દિવસ રહ્યા હતા

29 June, 2022 08:18 IST | Mumbai | Dr. Sushil Shah
હેલ્થ ટિપ્સ

ઓવેરિયન રિઝર્વ ઓછું હોય તો શું કરવું?

મારા ડૉક્ટરના કહેવા મુજબ મારું ઓવેરિયન રિઝર્વ બૉર્ડરલાઇન પર છે. રિઝર્વ ઓછું હોવાનું કારણ શું? કોઈ રીતે એ વધારી શકાય? શું અમારે બાળક તાત્કાલિક પ્લાન કરવું જ પડશે?

28 June, 2022 03:04 IST | Mumbai | Dr. Suruchi Desai

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK