° °

આજનું ઇ-પેપર
Thursday, 19 May, 2022


દાંત કચકચાવવાની આદતનું શું કરું?

28 December, 2021 09:13 PM IST | Mumbai
Dr. Rajesh Kamdar | askgmd@mid-day.com

આ આદત ખૂબ જ સામાન્ય રીતે જોવા મળે છે. ફક્ત ગુસ્સાને લીધે જ નહીં, સ્ટ્રેસ કે ટેન્શનમાં પણ લોકો દાંત કચકચાવે છે.

ફાઇલ તસવીર

ફાઇલ તસવીર

હું ૪૨ વર્ષની છું. ટીચર છું. સ્વભાવે ખૂબ કડક ટીચર છું. બાળકો ડિસિપ્લિનમાં રહે એ માટે તેમના પર ગુસ્સો કરવો જરૂરી બની જતો હોય છે અને નાનપણથી મને ગુસ્સો આવે ત્યારે મારાથી દાંત કચકચી જાય છે. મારી મમ્મી મને ટોકતી, પણ એ આદત મેં છોડી  નથી. હવે દાંત ખૂબ ઢીલા થઈ ગયા હોય એવું લાગે છે. પહેલાં થયું કે ઉંમરને કારણે હશે, પરંતુ મારી ફ્રેન્ડને દાંત કચકચાવવાની આદતને એ કારણે થયું છે. હું શું કરું?

આ આદત ખૂબ જ સામાન્ય રીતે જોવા મળે છે. ફક્ત ગુસ્સાને લીધે જ નહીં, સ્ટ્રેસ કે ટેન્શનમાં પણ લોકો દાંત કચકચાવે છે. વ્યક્તિની માનસિકતા સાથે આ આદત જોડાયેલી છે જેને છોડવી દાંત માટે ખૂબ જ જરૂરી છે. તમને આ આદત ફક્ત દિવસના જ છે કે રાતના પણ તમે દાંત કચકચાવો છો? મહત્ત્વનું એ છે કે તમને આ વાતનું ભાન છે કે તમને આ આદત છે, કારણ કે ઘણા લોકોને તો એ સમજાતું જ નથી હોતું કે તેમને આ તકલીફ છે. હજી તમારી ઉંમર નાની છે. 
આ આદતને કારણે દાંત ઘસાતા જાય અને એની હાઇટ ઓછી થઈ જાય. એટલે કે દાંત વધુ પેઢાં તરફ ધસી જાય છે. આ રીતે એ ફક્ત દાંતનું નહીં, પેઢાંનું પણ નુકસાન કરે છે. એમાં ફ્રૅક્ચર પણ થઈ શકે છે એટલે કે દાંત ધીમે-ધીમે નબળા પડતા જાય છે અને એમાં તિરાડ પડી શકે છે અથવા તો એ તૂટીને હાથમાં આવી શકે છે. આ આદત દાંતને મૂળથી નબળા બનાવે છે. એક સમયે એવો પણ આવી શકે કે દાંત મૂળથી એટલો નબળો પડી જાય કે એ બહાર આવી જાય. નાનપણથી જ જેમને આ આદત હોય તેમનું ચોકઠું વ્યવસ્થિત બનતું નથી. જો દાંત વાંકાચૂંકા હોય તો બીજા અલગ પ્રૉબ્લેમ્સ હોય છે. આમ ફક્ત આ આદતને કારણે વ્યક્તિને ભવિષ્યમાં બ્રિજ, ક્રાઉન, રૂટ કૅનાલ, ઇમ્પ્લાન્ટ, અડધું ચોકઠું કે આખું ચોકઠું જેવી એની તકલીફો અનુસાર સારવાર લેવી પડે છે. 
આ માટે આ આદત વહેલી તકે છોડવી જ રહી. એના માટે તમારે તમારી અવેરનેસ વધારવી પડશે. જ્યારે દાંત ભીંસો છો ત્યારે વચ્ચે જીભનો સહારો લો. એને કારણે ધીમે-ધીમે દાંત ભીંસવાની આદત છૂટશે. તમે કહો છો કે દાંત નબળા થતા જાય છે તો એ માટે ડેન્ટિસ્ટને મળો અને જરૂરી ઇલાજ કરાવો. આ સિવાય જો તમને રાત્રે દાંત કચકચાવવાની આદત હોય તો ડેન્ટિસ્ટ તમને નાઇટ ગાર્ડ આપશે જેનાથી દાંત બચાવી શકાશે.

28 December, 2021 09:13 PM IST | Mumbai | Dr. Rajesh Kamdar

અન્ય લેખો

હેલ્થ ટિપ્સ

સફેદ નહીં, લાલ કે કાળું માટલું જ વાપરજો

કેમ કે માટી નૅચરલી રેડ કે બ્લૅક જ હોય છે, વાઇટ નહીં. ઉનાળામાં ફ્રિજના પાણી કરતાં માટીના ઘડામાં ભરીને રાખેલું પાણી ઝટપટ તરસ તો છીપાવશે જ પણ સાથે ગળાની અનેક તકલીફોથી પણ દૂર રાખશે

18 May, 2022 12:24 IST | Mumbai | Sejal Patel
હેલ્થ ટિપ્સ

બેસીને ઊભા થવા જતાં હું ફસડાઈ પડું છું, શું કરું?

આખો દિવસ ઘરમાં એસીની ઠંડકમાં રહું છું, પરંતુ કાલે સાંજે પાર્કમાં ગયો હતો અને બેન્ચ પર બેઠા પછી ઘરે જવા ઊઠ્યો ત્યારે લગભગ ફસડાઈ જ પડ્યો. મને ખબર જ ન પડી કે શું થયું.

18 May, 2022 12:07 IST | Mumbai | Dr. Sushil Shah
હેલ્થ ટિપ્સ

Summer Special : ડિહાઇડ્રેશનથી બચવાના આ ઘરગથ્થુ ઉપાય શું તમે જાણો છો?

લાંબા સમય સુધી ગરમીમાં રહેવાથી અને તે દરમિયાન પૂરતું પાણી ન પીવાથી ડિહાઇડ્રેશનની સમસ્યા થાય છે

18 May, 2022 08:30 IST | Mumbai | Rachana Joshi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK