° °

આજનું ઇ-પેપર
Friday, 25 June, 2021


ઘૂંટણનો દુખાવો વધે નહીં એ માટે શું કરું?

05 May, 2021 12:41 PM IST | Mumbai | Dr. Tushar Agrawal

બાળકો કહે છે કે વધારે વજનને કારણે ઘૂંટણ દુખે છે, પણ મારું વજન છેલ્લાં ૧૫ વર્ષથી વધારે જ છે. દુખાવો હમણા થોડા મહિનાથી છે. મારા મોટા બહેને હમણાં ઘૂંટણનું ટ્રાન્સપ્લાન્ટ ઓપરેશન કરાવ્યું. મને આવું નથી કરાવવું.

પ્રતીકાત્મક તસવીર

પ્રતીકાત્મક તસવીર

હું ૫૮ વર્ષની છું. આજ સુધી અમે નીચે બેસીને જ જમતાં હતાં પરંતુ હવે મારાથી નીચે બેસાય તો છે પરંતુ ઊભું નથી થવાતું. થોડા સમયથી ઘૂંટણમાં દુખાવો ચાલુ થયો છે. આમ તો તેલ લગાવીને માલિશ કરું છું તો ઠીક લાગે છે, પરંતુ એકાદ દિવસ પણ માલિશ રહી જાય તો દુખાવો ફરી આવી જાય છે. બાળકો કહે છે કે વધારે વજનને કારણે ઘૂંટણ દુખે છે, પણ મારું વજન છેલ્લાં ૧૫ વર્ષથી વધારે જ છે. દુખાવો હમણા થોડા મહિનાથી છે. મારા મોટા બહેને હમણાં ઘૂંટણનું ટ્રાન્સપ્લાન્ટ ઓપરેશન કરાવ્યું. મને આવું નથી કરાવવું. મારા ઘૂંટણની કાળજી હું કઈ રીતે રાખું કે એ એટલું ખરાબ ન થાય કે ઓપરેશન કરાવવું પડે.  
 
ઘૂંટણની તકલીફ ૫૫ વર્ષની ઉંમર પછી થવી સહજ છે. આ ઉંમર પહેલાં કંઈ થયું હોત તો તપાસની જરૂર પડત કારણકે આ ઉંમરમાં ઘૂંટણ કેમ દુખે છે એ માટે ટેસ્ટ જરૂરી છે. આ સિવાય તમારું વજન પણ વધારે છે એટલે પણ આ ઉંમરે દુખાવો થવો સહજ ગણાય. પહેલાં તમને આ જ વજન સાથે દુખાવો થતો નહોતો, કારણ કે શરીર સહી લેતું હતું, પરંતુ હવે શરીર રિએક્ટ કરે છે એટલે દુખાવો થઈ રહ્યો છે. તેલમાલિશથી ટેમ્પરરી રાહત ચોક્કસ થશે એટલે એ ચાલુ રાખી શકાય, પરંતુ ઘૂંટણની તકલીફ વધુ ન બગડે એ માટે અમુક પ્રયત્ન તમે હમણાં જ ચાલુ કરી દો. 
સૌથી પહેલાં તો વજન ઉતારવું જરૂરી છે. જામેલું વજન ઓછું કરવું સરળ તો નથી, પરંતુ પ્રયત્નથી જગત પણ જીતી શકાય છે તો વજન તો ઉતારી જ શકાય. જાતે પ્રયત્ન કરવા કરતાં પ્રોફેશનલ હેલ્પ લો. તમે જેમ વજન ઉતારતા જશો તેમ તમને વધુને વધુ સારું રિઝલ્ટ મળતું જશે. અત્યારે જે ઘૂંટણ દુખે છે એ માટે ફિઝિયોથેરપી શરૂ કરો. તેમણે બતાવેલી એક્સરસાઈઝ આખી જિંદગી તમારે કરવી જરૂરી છે. એમાં આળસ ન કરતા. આ સિવાય રેગ્યુલર વૉક કરો. વૉક કરતી વખતે ઘૂંટણ દુખવા લાગે તો બ્રેક લો અને ફરી વૉક શરૂ કરો. લાંબા અને ઊંચાઈવાળા દાદરા ચઢો નહીં. જમીન પર બેસવાથી દુખાવો થાય છે તો જમીન પર બેસવાનું ટાળો. આ સિવાય ડૉક્ટર દ્વારા પ્રિસ્ક્રાઈબ કરેલા કેલ્શિયમ અને વિટામિનના સપ્લિમેન્ટ પણ ચાલુ રાખો. આ બધું જ ભવિષ્યમાં તમને ઓપરેશનથી બચાવવામાં કામ લાગશે. એ છતાં દુખાવો જાય નહીં તો ટેસ્ટ કરાવવી જરૂરી બનશે. 

05 May, 2021 12:41 PM IST | Mumbai | Dr. Tushar Agrawal

અન્ય લેખો

હેલ્થ ટિપ્સ

ઍન્ગ્ઝાયટી વધતી જાય છે શું કરવું?

બધું જ સૅનિટાઇઝ કરાવડાવે છે. કામવાળીને એમણે આવવા જ દીધી નથી. આટલી ઉંમરે આખા ઘરનું કામ મારે કરવું પડે છે. એમના ખૂબ નજીકના મિત્રનું મૃત્યુ પણ હમણાં દસ દિવસ પહેલાં થયું

23 June, 2021 02:27 IST | Mumbai | Gujarati Mid-day Correspondent
હેલ્થ ટિપ્સ

શરીરમાં કળતર મેનોપૉઝ પહેલાંનું લક્ષણ હોઈ શકે?

એક્સરસાઇઝ કરવી મને ગમતી નથી. પહેલાં મને થયું કે મારાં હાડકાં નબળાં પડતાં જાય છે. ડૉક્ટરનું કહેવું છે કેે મને આર્થ્રાઇટિસ જેવું કઈ નથી, પરંતુ હૉર્મોન્સની ઊથલપાથલને કારણે આવું થયું છે.

22 June, 2021 01:58 IST | Mumbai | Dr. Jayesh Sheth
હેલ્થ ટિપ્સ

મોઢામાંથી દુર્ગંધ પાછળ શું કારણ હોઈ શકે?

મોઢામાંથી દુર્ગંધ એ એક સામાન્ય સમસ્યા છે, પરંતુ એની પાછળ જુદાં-જુદાં કારણો જવાબદાર હોય

21 June, 2021 04:16 IST | Mumbai | Dr. Rajesh Kamdar

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK