° °

આજનું ઇ-પેપર
Thursday, 19 May, 2022


માલિશના ફાયદા શું છે?

04 January, 2022 05:36 PM IST | Mumbai
Sanjay Goradia | sangofeedback@mid-day.com

શું ખરેખર માલિશથી કોઈ ફાયદો નથી થતો. મુંબઈમાં માલિશ કરવું હોય તો કયા તેલથી કરવું યોગ્ય ગણાય?    

પ્રતીકાત્મક તસવીર

પ્રતીકાત્મક તસવીર

હું ૩૦ વર્ષની છું. ગુજરાતમાં રહેતાં હતાં ત્યારે શિયાળામાં લગભગ દરરોજ માલિશ કરતાં હતાં, પરંતુ અહીં મુંબઈમાં ઠંડી ઘણી નથી છતાં અહીં મારી સ્કિન પર અસર થાય જ છે. રુક્ષતા આવી જાય છે. અહીં મારા સાસરે કોઈ માલિશ કરતું નથી કે કરાવતું પણ નથી. એ લોકો એમ પણ માને છે કે એનાથી કોઈ ફાયદો નથી. શું ખરેખર માલિશથી કોઈ ફાયદો નથી થતો. મુંબઈમાં માલિશ કરવું હોય તો કયા તેલથી કરવું યોગ્ય ગણાય?    

શિયાળામાં તમે કોઈ પણ જગ્યાએ હો, તમારી સ્કિન અને વાળને એક્સ્ટ્રા કૅરની જરૂર પડે જ છે. એનું ધ્યાન રાખવું જરૂરી છે. આ સમય એવો છે જેમાં ત્વચા અને વાળમાં રુક્ષતા આવી જાય છે. એને માટે માલિશનું પોતાનું મહત્ત્વ છે. આ સમયે ત્વચાને સ્નિગ્ધતા આપવાની જરૂર પડે છે. જેને માટે માલિશ ઘણું ઉપયોગી છે. જે ખૂબ જ ઠંડા પ્રદેશ છે ત્યાં સરસોનું તેલ વાપરવામાં આવે છે, જેમ કે ઉત્તર ભારત. જ્યારે દક્ષિણ ભારતમાં નારિયેળનું તેલ વધુ ચાલે છે, પરંતુ મુંબઈ જેવા કોસ્ટલ એરિયામાં કોકમના બીજનું તેલ વાપરવામાં આવે છે. જેને કોકમ બટર કહેવાય છે. આ સિવાય તલનું તેલ પણ ઘણું ગુણકારી સાબિત થઈ શકે છે. મુંબઈ જેવા વાતાવરણમાં એનો પણ ઉપયોગ કરી શકાય. 
માલિશ માટે તલનું તેલ, નારિયેળનું તેલ, જૈતુન તેલ અને કૅસ્ટર ઑઇલ બધું એકસરખા પ્રમાણમાં લેવું. જેમ કે ૧૦૦ મિલી દરેક તેલ લીધું હોય એમાં ૧૦ મિલી બદામ તેલ અને ૧ મિલી સૅન્ડલવુડ તેલ ઉમેરીને એ તેલ માલિશ માટે વાપરવું. માલિશ પછી થોડો સમય સૂર્યપ્રકાશમાં રહેવું અને પછી ઉબટનથી નાહી લેવું. આ પ્રકારની ત્વચાની કાળજી જરૂરી છે. જો એટલો સમય ન મળે તો નાહતાં પહેલાં આખા શરીરે તેલ લગાવવું અને પછી નાહી લેવું. આદર્શ રીતે માલિશ કરનારા કોઈ હોય તો માલિશ એક કલાક ચાલવું જોઈએ. જો જાતે કરવું હોય તો પણ ૨૦ મિનિટ તો માલિશ કરવું જ જોઈએ. એનાથી શરીરને દૃઢતા મળે છે, ઉત્સાહ વધે છે, લોહીનું પરિભ્રમણ પણ વધે છે અને ફૅટ ઓછું થાય છે. ખાસ કરીને પેટ પર ફૅટ વધારે હોય તો એ ઘટે છે. માટે માલિશ કરવું જોઈએ. જો દરરોજ આટલો સમય ન ફાળવી શકતાં હો તો અઠવાડિયામાં એક વાર પણ એને માટે સમય કાઢો. બાકી જુદી-જુદી કેમિકલયુક્ત બ્યુટી પ્રોડક્ટ્સ લગાવવા કરતાં તેલનું માલિશ આ સીઝનમાં ત્વચા માટે સૌથી સારું ગણાશે. માટે એ ચોક્કસ કરો.

04 January, 2022 05:36 PM IST | Mumbai | Sanjay Goradia

અન્ય લેખો

હેલ્થ ટિપ્સ

સફેદ નહીં, લાલ કે કાળું માટલું જ વાપરજો

કેમ કે માટી નૅચરલી રેડ કે બ્લૅક જ હોય છે, વાઇટ નહીં. ઉનાળામાં ફ્રિજના પાણી કરતાં માટીના ઘડામાં ભરીને રાખેલું પાણી ઝટપટ તરસ તો છીપાવશે જ પણ સાથે ગળાની અનેક તકલીફોથી પણ દૂર રાખશે

18 May, 2022 12:24 IST | Mumbai | Sejal Patel
હેલ્થ ટિપ્સ

બેસીને ઊભા થવા જતાં હું ફસડાઈ પડું છું, શું કરું?

આખો દિવસ ઘરમાં એસીની ઠંડકમાં રહું છું, પરંતુ કાલે સાંજે પાર્કમાં ગયો હતો અને બેન્ચ પર બેઠા પછી ઘરે જવા ઊઠ્યો ત્યારે લગભગ ફસડાઈ જ પડ્યો. મને ખબર જ ન પડી કે શું થયું.

18 May, 2022 12:07 IST | Mumbai | Dr. Sushil Shah
હેલ્થ ટિપ્સ

Summer Special : ડિહાઇડ્રેશનથી બચવાના આ ઘરગથ્થુ ઉપાય શું તમે જાણો છો?

લાંબા સમય સુધી ગરમીમાં રહેવાથી અને તે દરમિયાન પૂરતું પાણી ન પીવાથી ડિહાઇડ્રેશનની સમસ્યા થાય છે

18 May, 2022 08:30 IST | Mumbai | Rachana Joshi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK