° °

આજનું ઇ-પેપર
Tuesday, 09 August, 2022


પતિને ફરીથી કોવિડ થયો છે ત્યારે શું ધ્યાન રાખવું?

29 June, 2022 08:18 PM IST | Mumbai
Dr. Sushil Shah

મારા પતિ ૬૮ વર્ષના છે અને તેમને દોઢ વર્ષ પહેલાં કોવિડ થયો હતો ત્યારે હૉસ્પિટલમાં તેઓ ૨૦ દિવસ રહ્યા હતા

પ્રતીકાત્મક તસવીર ઓ.પી.ડી.

પ્રતીકાત્મક તસવીર

મારા પતિ ૬૮ વર્ષના છે અને તેમને દોઢ વર્ષ પહેલાં કોવિડ થયો હતો ત્યારે હૉસ્પિટલમાં તેઓ ૨૦ દિવસ રહ્યા હતા. માંડ મોતને હાથતાળી દઈને તેઓ ઘરે આવ્યા હતા. તેમને ડાયાબિટીઝ છે, પણ એ દવાથી કન્ટ્રોલમાં રહે છે. એ પછી રિકવરી આવતતાં પણ તેમને વાર લાગી હતી. હાલમાં કેટલું બધું ધ્યાન રાખવા છતાં ફરી તેમને કોવિડ થયો છે. પહેલા દિવસે તેમને તાવ આવેલો, બીજા દિવસે શરદી થઈ અને આજે ડાયેરિયા જેવું છે. અમારે રિસ્ક નહોતું લેવું એટલે ટેસ્ટ કરાવી અને એ પાઝિટિવ આવી. તેમની હાલત બગડી શકવાની શક્યતા કેટલી? તેમણે બન્ને વૅક્સિન અને બૂસ્ટર ડોઝ પણ લીધો છે છતાં મને ખૂબ બીક લાગે છે.  

કોવિડ ઇન્ફેક્શન હમણાં ઘણું ફેલાયેલું છે. એક વખત કોવિડ થયો એટલે બીજી વખત નહીં થાય એવું જરાય નથી. એક વખત રસી લઈ લીધી એટલે બીજી વખત કોરોના નહીં થાય એવું જરાય નથી. હા, એ ચોક્કસ છે કે એક વખત કોવિડ થઈ ગયો છે અને રસી પણ લઈ લીધી છે તો કદાચ શરીર આ ઇન્ફેક્શન સામે લડવા ઘણું તૈયાર છે. હાલમાં જે કોવિડ વાઇરસ છે કે ઓમાઇક્રોન એ માઇલ્ડ છે જેના થકી લોકો ૨-૩ દિવસમાં ઘરે રહીને જ ઠીક થઈ રહ્યા છે. આ વાઇરસનું આંકલન કરીએ તો ૯૦ ટકા લોકો એવા છે જેમને ઇન્ફેક્શન થાય છે છતાં કોઈ ચિહ્ન દેખાતાં નથી. બચેલા ૧૦ ટકામાંથી પણ ૯૭ ટકા લોકો એવા છે જેમને માઇલ્ડ ચિહ્નો દેખાય છે. બાકીના બચેલા લોકોએ થોડું સાવધ રહેવા જેવું છે. 
મહત્ત્વનું એ છે કે તમે અત્યારે તમારા ફૅમિલી ફિઝિશ્યનના ટચમાં રહો. તેમનું દરરોજનું ટેમ્પરેચર, તેમનું દિવસમાં ૪-૫ વાર ઑક્સિજન-લેવલ અને ૩ વાર શુગર માપતાં રહો. એનાં રીડિંગ તમારા ડૉક્ટરને મોકલવાં ખૂબ જરૂરી છે. એ સિવાય ૬ મિનિટની વૉકિંગ-ટેસ્ટ કરાવવી જરૂરી છે. એ વૉક કર્યા પહેલાંના અને પછીના ઑક્સિજનનું લેવલ ચેક કરીને નોંધવું અને એ પણ ડૉક્ટરને મોકલવું. એ હિસાબે ડૉક્ટર ઇલાજ કરશે. તમારી કન્ડિશન કેટલી સિવિયર છે એ મુજબ નક્કી થઈ શકે કે હૉસ્પિટલ જવું પડશે કે તમે ઘરમાં જ ઠીક થઈ જશો. અત્યારે ગભરાવાની જરૂર નથી અને સાથે ગફલતમાં રહેવાની પણ જરૂર નથી. સતત જાતને તપાસતા રહો અને રીડિંગ સતત ડૉક્ટરને મોકલતાં રહો. 

29 June, 2022 08:18 PM IST | Mumbai | Dr. Sushil Shah

અન્ય લેખો

હેલ્થ ટિપ્સ

મુંબઈમાં સ્વાઇન ફ્લુના કેસમાં વધારોઃ નિષ્ણાતોના મતે આ છે મૂળ કારણ

સ્વાઇન ફ્લુ વાયરસ હંમેશા હાજર હોય છે, પણ બહુ થોડા લોકો નિયમિત સમયાંતરે એનો ભોગ બને છે

08 August, 2022 03:16 IST | Mumbai | Gujarati Mid-day Online Correspondent
હેલ્થ ટિપ્સ

નેઇલ-બાઇટિંગની ટેવ તમને પણ તો નથીને?

એટલું જ નહીં, જાહેર જીવનમાં પુરુષોની ઇમેજને પણ અસર કરે છે. આજે આ વિષય પર નિષ્ણાત સાથે ચર્ચા કરીએ

08 August, 2022 03:00 IST | Mumbai | Varsha Chitaliya
હેલ્થ ટિપ્સ

બ્લોટિંગને કારણે પેટ બપોર પછી ફૂલી જાય છે

આજકાલ ખાવા-પીવામાં થોડી ગરબડ ચાલે છે. શું આ કારણે એવું થાય છે? ખોરાકમાં કઈ ભૂલો થાય જેને કારણે બ્લોટિંગ આવે છે? એ માટે શું કરવું? 

08 August, 2022 02:44 IST | Mumbai | Yogita Goradia

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK