° °

આજનું ઇ-પેપર
Wednesday, 08 December, 2021


સ્તન પરની ગાંઠ દૂધની છે કે કૅન્સરની એ કેવી રીતે ખબર પડે?

26 October, 2021 06:54 PM IST | Mumbai | Dr. Meghal Sanghavi

પમ્પની મદદથી દૂધ કાઢી લેવું અને એને બરાબર પ્રિઝર્વ કરીને બાળકને પીવડાવવું જોઈએ, કારણ કે દૂધ આટલા કલાકો સ્તનમાં ભરાઈ રહે તો આપણને ગાંઠ જેવું લાગ્યા કરે છે

પ્રતીકાત્મક તસવીર

પ્રતીકાત્મક તસવીર

મારી ઉંમર ૩૨ વર્ષની છે. મને ૮ મહિનાનું બાળક છે. હું એને સ્તનપાન કરાવું છું.  હું વર્કિંગ છું. છેલ્લા બે મહિનાથી ઑફિસે જવાનું શરૂ કર્યું છે. જોકે હું ઑફિસે જતાં પહેલાં અને પછી આવીને મારા બાળકને સ્તનપાન કરાવું છું. છેલ્લા થોડા સમયથી મને મારા સ્તનમાં ગાંઠ જેવું જણાય છે. મેં મારાં સાસુને કહ્યું તો તેમણે કહ્યું કે આ તો દૂધની ગાંઠ છે, દૂધ વધુ આવતું હોય તો ગાંઠ થઈ જાય છે. જો એવું હોય તો દૂધ જ્યારે બાળક પી લે પછી એ ગાંઠ ઓછી પણ થઈ જવી જોઈએ. જોકે એવું થતું નથી. શું મારી આ ગાંઠ દૂધની જ છે કે કંઈ બીજું પણ હોઈ શકે?

સૌથી સારી બાબત એ છે કે તમે કશું માનીને બેસી ગયાં નથી. તમને શંકા થઈ રહી છે કે તમને શું થયું છે? ઘણી સ્ત્રીઓ માનીને બેસી જાય છે કે તેમને કોઈ તકલીફ નથી, જેને કારણે કૅન્સર જેવા મહાભયંકર રોગનું નિદાન ઘણું મોડું થાય છે. તમને બ્રેસ્ટ કૅન્સર છે એવું માનીને પાછાં ગભરાઈ પણ ન જતાં. જ્યાં સુધી ચેક ન થાય ત્યાં સુધી કંઈ કહી શકાય નહીં. હા, એ વાત સાચી કે સ્તનપાન કરાવતી માને જો તેના સ્તનમાં ગાંઠ જેવું લાગે તો એ મોટા ભાગે દૂધની જ ગાંઠ હોય છે. વાત અહીં છે ગફલતમાં ન રહેવાની. એટલે જ જે પણ શક્યતાઓ  છે એ બધી જ વિચારી લેવી જોઈએ. 

તમે હમણાં જ ઑફિસ ચાલુ કરી. ત્યાં જે ૮-૧૦ કલાક કામ કરો છો એટલા કલાકો તમે બાળકને બિલકુલ દૂધ પીવડાવી શકતાં નથી. તો કંઈ વાંધો નહીં. આ સમયે તમારે પમ્પની મદદથી દૂધ કાઢી લેવું અને એને બરાબર પ્રિઝર્વ કરીને બાળકને પીવડાવવું જોઈએ, કારણ કે દૂધ આટલા કલાકો સ્તનમાં ભરાઈ રહે તો આપણને ગાંઠ જેવું લાગ્યા કરે છે. આ દૂધ ખાલી થાય તો એ ગાંઠા છૂટા પડી જાય છે. બીજું એ કે ક્યારેક કોઈ નસ તૂટી ગઈ અને દૂધ ખોટી જગ્યાએ અંદરની તરફ ગંઠાઈ ગયું તો એવી ગાંઠ માટે ઇલાજની જરૂર પડે છે. વ્યક્તિએ-વ્યક્તિએ આ ઇલાજ જુદો હોઈ શકે. એની પરિસ્થિતિ જોઈને એ સમજાય છે. બાકી ભાગ્યે જ એવું પણ બને કે આ ગાંઠ કૅન્સરની પણ હોય. મહત્ત્વનું એ છે કે તમારે એક વખત ડૉક્ટરને મળીને ચેક કરાવી લેવું જોઈએ. જે પણ હશે એ તમને સમજાઈ જશે અને એ મુજબ ઇલાજ પણ નક્કી થઈ જશે.

26 October, 2021 06:54 PM IST | Mumbai | Dr. Meghal Sanghavi

અન્ય લેખો

હેલ્થ ટિપ્સ

ઠંડીમાં સવારે પગની પાની બહુ દુખે છે

સવારના સમયે લિટરલી આંખમાંથી આંસુ પડી જાય એટલું દુખે છે. જેમ-જેમ દિવસ ચડતો જાય અને થોડું-થોડું પરાણે ચાલુ એ પછીથી થોડીક રાહત થાય. શું આયુર્વેદમાં આનો કોઈ ઉકેલ છે? 

07 December, 2021 04:17 IST | Mumbai | Dr. Sanajy Chhajed
હેલ્થ ટિપ્સ

મેલપાવર માટે ખાઓ મેથી

તાજેતરમાં બહાર પડેલી ટૉપ ટેન ટેસ્ટોસ્ટેરોન સપ્લિમેન્ટ્સની યાદીમાં છ સપ્લિમેન્ટ્સમાં મેથીનો ઍબ્સ્ટ્રૅક્ટ મેઇન કન્ટેન્ટ છે. સવાલ એ છે કે તો પછી સપ્લિમેન્ટ લેવાને બદલે મેથીનો જ ઉપયોગ કરવામાં શું ખોટું છે? ચાલો જાણીએ નિષ્ણાત પાસેથી

06 December, 2021 05:08 IST | Mumbai | Sejal Patel
હેલ્થ ટિપ્સ

ખોરાક ગળાતો નથી અને નવી જ બીમારીનું નિદાન થયું છે, શું કરું?

મારા ભાઈની ઉંમર ૫૩ વર્ષ છે અને તેને ઘણા સમયથી ખાવાનું ગળવામાં તકલીફ પડતી હતી.

06 December, 2021 04:42 IST | Mumbai | Dr. Chetan Bhatt

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK